U. ǴAfurov, Q. Sharipov

Gilt:
Hárbir unamlı juwap ushın bir ballǵa iye bolasız. Ballardıń 
jıyındısın esaplap shıǵıń.
Nátiyje
Eger ballar jıyındısı 17 yaki onnan kóp bolsa, ol jaǵdayda siz 
isbilermen bolıw ushın barlıq zárúr sıpatlarǵa iyesiz. Siziń maqset 
hám umtılıwshılıǵıńız, kúsh hám nátiyjege isenimińiz hárqanday 
ideyanı ámelge asırıwda járdem beredi.
Eger ballar jıyındısı 13 ten 17 ge deyin bolsa, siziń isbilermen 
sıpatında nátiyjelerge erisiwde isenimińiz júdá bekkem emes. Biraq 
siz jaqsı isbilermen bolıwıńız múmkin.
Eger ballar jıyındısı 13 ten kem bolsa, sizden isbilermen bolıwıńız 
ushın kóbirek tájiriybe hám háreket etiw talap etiledi. Isbiler-
menlikti baslawdan aldın ózińizdiń qızıǵıwshılıǵıńız, qálewińiz hám 
imkaniyatlarıńızdı salıstırıp, anıq maqsetke qaray umtılıwıńız lazım.

---

9
2-TEMA
ISBILERMENLIKTIŃ TÚRLERI HÁM
FORMALARÍ
Jedel isbilermen degende, biz básekige shıdamlı ónim islep 
shıǵarıwǵa bolatuǵın, eń baslısı, jańa jumıs orınların jaratıp, 
tek ózin hám shańaraǵın baǵatuǵın emes, al jámiyetke payda 
keltiretuǵın isbilermen insanlardı túsinemiz.
Ózbekstan Respublikası Prezidenti Sh. Mirziyoev
JEDELLESTIRIWSHI SORAW HÁM TAPSÍRMALAR
1. Joqarıdaǵı súwretlerde isbilermenliktiń qanday túrleri kórsetilgen? Óz 
pikirińizdi tiykarlap beriń. 
2. Bir waqıttıń ózinde birneshe isbilermenlik túri menen shuǵıllanıw 
múmkin be? Mısallar keltiriń.
ISBILERMENLIK XÍZMETINIŃ TÚRLERI
Ekonomikalıq xızmet túrli kórinislerde ámelge asırıladı. Máselen, 
biz túrli ónimler (nan, kiyim, oqıw quralları, avtomobil, jay hám 
basqalar)di islep shıǵarıw menen xızmet kórsetiw (turmıs xızmeti, 
bilimlendiriw xızmeti, densawlıqtı saqlaw, másláhát beriw hám 
basqalar) túrlerin bilemiz. Soǵan baylanıslı, ekonomika tarawları hám 
tarmaqlarınıń ózgesheliklerinen kelip shıqqan jaǵdayda isbilermenlik 
xızmeti túrleri ózindegi procesler forması hám mazmunı hám olardı 
iske asırıw usıllarına baylanıslı bir-birinen parıqlanadı. Isbilermenlik 
xızmeti xızmet kórsetiw, dáldalshılıq xızmeti, tutınıw tovarların islep 
shıǵarıw, finanslıq operaciyalar sıyaqlı tarawlarda nátiyjeli ámelge 
asırıladı. Isbilermenlik xızmetiniń baǵdarlanǵanlıǵı, kapital kiritiw 
obyekti hám anıq nátiyjelerge baylanıslı isbilermenlik túrleri ajıra-
ladı.

---

10