U. ǴAfurov, Q. Sharipov

KIM ISBILERMEN BOLÍWÍ MÚMKIN?
Isbilermenlik xızmeti menen shuǵıllanıwǵa qızıqqan barlıq puqa-
ralar isbilermen bolıwı múmkin. Biraq bunıń ushın puqara baylanıs 
uqıplılıǵına iye bolıwı, yaǵnıy, on segiz jasqa tolǵan bolıwı tiyis.

---

6
On altı jasqa tolǵan erjetpegen shaxs miynet shártnaması 
boyınsha islep atırǵan bolsa yaki ata-anası, perzentlikke alıwshısı 
yamasa ǵamxorlıqqa alǵan insanlardıń ırazılıǵı menen isbilermenlik 
xızmeti menen shuǵıllanıp atırsa, ol tolıq dárejede qatnasıqqa uqıplı 
dep esaplanıwı múmkin.
Ózbekstan Respublikasınıń Puqaralıq kodeksi, 28-statya
Sonıń menen birge, ayırım sebeplerge baylanıslı isbilermenlik 
penen shuǵıllanıwı múmkin bolmaǵan shaxslar yaki toparlar da bar. 
Bularǵa:
— mámleket organları;
— mámleket organlarınıń lawazımlı shaxsları;
— isbilermenlik xızmeti menen shuǵıllanıwı nızam hújjetlerinde 
qadaǵan etilgen basqa shaxslardı kirgiziw múmkin.
ISBILERMENLIK USHÍN NELER ZÁRÚR?
Siz isbilermenlik xızmetin iske asırıwıńız ushın tómendegiler 
talap etiledi:
— biznes-ideyaǵa iye bolıw;
— biznes-ideyanı ámelge asırıw ushın anıq is-háreketler rejesi 
(biznes-reje) islep shıǵıw;
— isbilermenlik xızmetin jolǵa qoyıw ushın zárúr bolǵan dáslepki 
(baslanǵısh) kapitalǵa iye bolıw;
— isbilermenlik xızmetin ámelge asırıw ushın kerekli materiallıq 
resurslar hám múmkinshiliklerge iye bolıw. 
BUL QÍZÍQ...
1997-jılı kolledjde birge oqıp atırǵan doslar Internetten 
hárqanday maǵlıwmattı tawıp bere alatuǵın algoritm jaratıw ideyası 
menen qızıqqan waqıtlarında bunıń izi nege alıp keletuǵının, 
hátte qıyalına da keltirmeydi. Bul waqıtları olar jaqsı bilim alıwǵa 
talaplanatuǵın jas oqıwshılar edi. Algoritm jaratıw ústinde islewdi 
dawam ettiriw ushın waqıt jetpegenlikten olar óz dóretpelerin 
«Yahoo» kompaniyasına 1 mln. dollarǵa satıwǵa qarar etedi. 
«Yahoo» menen sawdalasıw narqı 500 mıń dollarǵa shekem 

---

7
bardı, biraq aqır-ayaǵında algoritmdi satıwdan bas tartadı. Jigitler 
algoritm ústinde islewdi dawam etedi. Nátiyjede, bahası 250 mlrd. 
dollarǵa bahalanıp atırǵan «Google» kompaniyası dúzildi.