U. ǴAfurov, Q. Sharipov

Isbilermenlik túri — isbilermenlik xızmetiniń baǵdarı, kapital 
kirgiziw tarawı hám xızmet nátiyjesine baylanıslı parıqlanıwshı 
belgiler sisteması. 
ÓNDIRIS ISBILERMENLIGI
Siz isbilermenlik penen shuǵıllanıwdan aldın onıń ózińizge qolaylı 
túrin tańlap alǵanıńız maqul. Aytayıq, siz kishi konditer (mazalı 
zatlar) cexın ashpaqshısız. Bunıń ushın sizde imarat, zárúr ásbap-
úskene hám ánjamlar hám de jeterli muǵdarda finanslıq qarjılar 
bolıwı talap etiledi. Siziń konditer ónimlerin islep shıǵarıw xızmetińiz 
óndiris isbilermenligi delinedi.
Óndiris isbilermenligi — tutınıwshılarǵa satıw maqsetinde ónim 
islep shıǵarıw yaki xızmet kórsetiwge baǵdarlanǵan xızmet.
Óndiris isbilermenligi xızmet kórsetiwdi de óz ishine aladı. 
Máselen, avtomobillerge texnikalıq xızmet kórsetiw, kiyimlerdi 
ximiyalıq tazalaw, hár túrli máselelerde másláhát beriw, bilimlendiriw 
xızmeti hám basqalar usılar qatarınan bolıp tabıladı.
Óndiris isbilermenliginiń xızmet tarawın tańlaw isbilermenniń 
finanslıq resursları hám jeke qızıǵıwshılıǵı arqalı belgilenedi. Dáslep 
marketing izertlewleri ótkeriledi, bazar úyreniledi, usınılatuǵın 
tovardıń tutınıwshıǵa qay dárejede zárúrligi, talaptıń dárejesi hám 
ózgeriwi, talap dárejesine tásir kórsetiwshi faktorlar, shama menen 
qárejetler hám satıwdıń kólemi anıqlanadı.
KOMMERCIYALÍQ ISBILERMENLIK
Aytayıq, sizde óndiris isbilermenligi menen shuǵıllanıw ushın 
jeterli resursıńız joq. Bunday jaǵdayda siz óndiris resursları sıyaqlı 
úlken múmkinshilik talap etpeytuǵın, kóbirek aylanıs qarjılar jetekshi 
orın tutatuǵın kommerciyalıq isbilermenligi menen shuǵıllanıwıńız-
ǵa boladı.

---

11
Kommerciyalıq isbilermenligi — tovar-pul qatnasıqları hám saw-
da-almastırıw operaciyalarına, yaǵnıy, tovar hám xızmetlerdi qayta 
satıwǵa tiykarlanǵan xızmet.
Usaqlap satıw hám kótere sawda, hár qıylı mal-múlkler, sonıń 
ishinde kóshpes múlkler sawdasın dáldalshılıq etiw kommerciyalıq 
isbilermenlikke mısal bola aladı.
Kommerciyalıq isbilermenlikte tovardı satıw bahası onıń satıp 
alıw bahasınan joqarı bolıwı tiykarǵı qaǵıyda bolıp esaplanadı. Soǵan 
baylanıslı, kommerciyalıq isbilermenlikti baslamastan aldın bazardıń 
jaǵdayı puqta analizlenedi.