U. ǴAfurov, Q. Sharipov

AKCIONERLIK JÁMIYETI
JEDELLESTIRIWSHI SORAW HÁM TAPSÍRMALAR
1. Joqarıdaǵı infografikada kórsetilgen akcionerlik jámiyetiniń qaysı 
tiykarǵı tárepleri basqa formalar ushın da tiyisli esaplanadı?
AKCIONERLIK JÁMIYETI TÚSINIGI
Siz ushın isbilermenlik formaları arasında salıstırǵanda kóbirek 
tanıs bolǵanlarınan biri — akcionerlik jámiyeti bolıp tabıladı. Sebebi, 
ol eń iri formalardan biri esaplanıp, ayırım jaǵdaylarda korporaciya 
dep te júrgiziledi. Búgingi kúnde jáhánde jetekshi bolǵan «Apple 
inc.», «Microsoft» sıyaqlı kompaniyalar usılardıń qatarınan. 
Akcionerlik jámiyeti (AJ) — shólkemlestiriwshiler (akcionerler)
diń ıqtıyarlı úlesleri tiykarında shólkemlestirilgen biznes júrgiziw 
forması.

---

39
Mámleketimizdegi «Ózbekstan hawa jolları», «Ózbekstan temir 
jolları» sıyaqlı kompaniyalar da akcionerlik jámiyeti formasında 
shólkemlestirilgen. 
Ustav fondı (ustav kapitalı) akcionerlerdiń akcionerlik jámiyetine 
salıstırǵanda huqıqların tastıyıqlawshı belgili muǵdardaǵı akciya-
larǵa bólingen kommerciyalıq shólkemi akcionerlik jámiyeti dep 
kórsetiledi.
Ózbekstan Respublikasınıń 2014-jıl 6-maydaǵı ÓRQ-370-sanlı 
jańa redakciyasındaǵı «Akcionerlik jámiyetleri hám akcionerleriniń 
huqıqların qorǵaw haqqında»ǵı Nızamı, 3-statya.
AKCIONERLIK JÁMIYETI TÚRLERI
Akcionerlik jámiyeti ashıq yamasa jabıq bolıwı múmkin. Ashıq 
akcionerlik jámiyetiniń shólkemlestiriwshileri quramına kiriw-
shilerdiń eń kem sanı sheklenbeydi, jabıq akcionerlik jámiyetiniń 
shólkemlestiriwshileri bolsa keminde úsh shaxstan ibarat etip bel-
gilenedi. Jámiyettiń hárbir shólkemlestiriwshisi onıń akcioneri 
bolıwı lazım. Ashıq akcionerlik jámiyeti akcionerleriniń sanı 
shegaralanbaydı. Ashıq akcionerlik jámiyeti ózi shıǵarıp atırǵan 
akciyalarǵa ashıq jazılıw ótkeriwge hám nızam hújjetleriniń talapların 
esapqa alǵan halda olardı erkin satıwǵa haqılı. Akciyaları tek 
óziniń shólkemlestiriwshileri yamasa aldınnan belgilengen shaxsları 
arasında bólistiriletuǵın akcionerlik jámiyeti jabıq akcionerlik jámiyeti 
esaplanadı. Bunday jámiyet ózi shıǵarıp atırǵan akciyalarǵa ashıq 
jazılıw ótkeriwge yamasa olardı sheklenbegen kólemdegi shaxslarǵa 
satıp alıw ushın basqasha tárizde usınıs etiwge haqılı emes. Jabıq 
akcionerlik jámiyeti akcionerlerdiń sanı 50 den aspawı zárúr.