U. ǴAfurov, Q. Sharipov

BILIMIŃIZDI SÍNAP KÓRIŃ!
1. Biznesti rejelestiriw ne ushın zárúr?
2. Biznes-reje dep nege aytıladı?
3. Biznes-rejeniń áhmiyetin qalay tiykarlawǵa boladı?
4. Biznes-reje dúziw ushın qanday kónlikpeler talap etiledi?
5. Biznes-rejeniń qanday wazıypaların bilesiz?

---

57
12-TEMA
BIZNES JOBA HÁM STARTAPLAR
 
JEDELLESTIRIWSHI SORAW HÁM TAPSÍRMALAR
1. Joqarıdaǵı súwrette qaysı kompaniyalardıń sawda belgileri kórsetilgen?
2. Bul kompaniyalar xızmetiniń ulıwma tárepleri nede dep oylaysız?
3. Usı kompaniyalardıń payda bolıw tariyxı hám nátiyjeleri tiykarları 
haqqında ne bilesiz?
BIZNES JOBA
Sizler menen aldınǵı temada biznes-rejelestiriw hám biznes-rejeler 
haqqında maǵlıwmatqa iye bolǵan edik. Mazmunı jaǵınan biznes-
rejege jaqın, biraq óziniń kólemi jaǵınan keńirek bolǵan jáne bir 
shólkemlestiriwshilik-ekonomikalıq sıpatındaǵı hújjet — biznes joba 
bolıp tabıladı.
Biznes joba — anıq biznes ideyanı ámelge asırıw menen baylanıslı 
barlıq ilajlar bayan etilgen hám de nátiyjeliligi tiykarlanǵan 
hújjet. Biznes joba ol yaki bul jobaǵa qarjı sarplawdıń maqsetke 
muwapıqlıǵın anıqlap beredi.
Biznes-reje anıq ideyanı yamasa biznes boyınsha ilajdı ámelge 
asırıw ushın pul hám basqa resurslardı tartıwdıń maqsetke muwapıq-
lıǵın tiykarlawda paydalanıladı. Biraq isbilermenlik xızmetinde onıń 
barlıq táreplerin rejelestiriw áhmiyetli orın tutadı. 
Ádette, biznes joba keńirek kólemdegi (kommerciyalıq, óndiris, 
ekonomikalıq, sociallıq hám basqalar) wazıypaların tiykarlawdı óz 
ishine alıp, biznes-reje onıń quramlıq bólimlerinen biri esaplanadı. 
Biznes joba ekonomikalıq máp yamasa payda alıw maqsetinde 
jańa ónimler, xızmetlerdi jaratıw, bar óndiristi modernizaciyalaw 

---

58
yamasa rekonstrukciyalawǵa baǵdarlanǵan shara-ilajlardıń quramalı 
kompleksin kórsetedi.