U. ǴAfurov, Q. Sharipov

KLIENTTIŃ KREDIT ALÍW MÚMKINSHILIGIN BAHALAW
Siz kredit alıw maqsetinde tiyisli hújjetlerdi bankke tapsırǵanıńızdan 
keyin bank kredit alıw múmkinshiligińizdi bahalap kóredi. Sebebi, 
klientke kredit beriw múmkinligi hám onıń muǵdarın durıs anıqlaw 
bank kreditiniń qaytarılıwına imkan jaratadı. 
Klienttiń kredit alıw múmkinshiligin bahalaw hárbir bank 
tárepinen erkin túrde islep shıǵılǵan normalar hám usıllar tiykarında 
ámelge asırıladı. 
Eń dáslep, bank siziń belgili dáwirde barlıq tólemlerdi ámelge 
asırǵannan keyingi qalatuǵın pulıńızdı tómendegi formula arqalı 
anıqlaydı:

---

84
SD = AD — TS
bul jerde:
SD — sap dáramat;
AD — alınǵan dáramat;
TS — turaqlı sarplanıwlar.
Aytayıq, siziń dáramat salıǵı hám basqa uslanıwlardan keyin-
gi aylıq dáramatıńız 1 mln. sumdı quraydı. Turaqlı sarplanıwlar 
(máselen, kommunal tólemleri, ijara haqı hám basqalar) muǵdarı 400 
mıń sum bolsa, onday jaǵdayda sap dáramatıńız 600 mıń sumdı 
quraydı. Alınıp atırǵan kredit boyınsha maǵlıwmatlar tiykarında 
siziń kredit alıw múmkinshiligińiz koefficientin tómendegi formula 
arqalı esaplawǵa boladı:
KLK
SD
OT

Bul jerde:
KMK — kredit alıw múmkinshiligi koefficienti;
SD — sap dáramat;
AT — hár aylıq tólemler.
Aytayıq, siziń kredit boyınsha hár aylıq tólemlerińiz 300 mıń 
sum bolsa, ol jaǵdayda kredit alıw múmkinshiligińiz koefficienti 2 
ge teń boladı. Yaǵnıy, siziń sap dáramatıńız kredit boyınsha hár 
aylıq tólemlerińizdi 2 ese qaplaydı. Bank usı koefficientti bul barısta 
ózi belgilegen normaǵa salıstırıp kóredi hám nátiyje jaqsı bolsa, 
bahalawdıń keyingi basqıshlarına ótedi.
BILIMIŃIZDI SÍNAP KÓRIŃ!
1. Bank krediti degen ne?
2. Kredit beriwdiń qanday principleri bar?
3. Kredittiń qanday túrlerin bilesiz? Hárbir túriniń mazmunın qısqasha 
túsindiriń.
4. Kredit hám lizingtiń óz ara ayırmashılıǵı nede?
5. Procent stavkası ne hám ol qanday ańlatıladı?
6. Házirgi kúnde bank ámeliyatında kredit procentin esaplaw hám 
tólew qanday ámelge asırıladı?
7. Kredit támiynatı ne ushın zárúr?
8. Klienttiń kredit alıw múmkinshiligin bahalaw ne ushın zárúr?
AT
M

---

85