U. ǴAfurov, Q. Sharipov

Ápiwayılastırılǵan tártipte 
tólenetuǵın salıqlar
Birden-bir salıq 
tólemi
Birden-bir jer 
salıǵı
Salıq salıwdıń ápiwayılastırılǵan tártibi óz mazmunına qaray 
isbilermenler ushın jeńillik bolıp esaplanadı. Biraq usı tártip 
isbilermen ushın hárqanday sharayatta da birdey mápte bolmawı 
múmkin. Sonlıqtan, isbilermenge salıq salıwdıń qaysı tártibinen 
paydalanıwdıń qálegenin tańlaw huqıqı beriledi. 
BILIMIŃIZDI SÍNAP KÓRIŃ!
1. Ne ushın hárbir isbilermen salıqlardı esaplaw hám tólew boyınsha 
jeterli bilimge iye bolıwı kerek?
2. Isbilermenlik subyektlerin salıqqa tartıwdıń qanday kórinisleri bar?
3. Salıq salıwdıń ulıwma belgilengen tártibi neni ańlatadı?
4. Salıq salıwdıń ápiwayılastırılǵan tártibi mazmunı neden ibarat?
5. Ulıwma belgilengen salıq túrlerine neler kiredi?
6. Májbúriy tólem túrleri nelerden ibarat?
7. Salıq salıwdıń ápiwayılastırılǵan tártibi qaysı salıq túrlerin óz ishine 
aladı?

---

103
ISBILERMENLIK
NÁTIYJELERINIŃ TIYKARLARÍ
22-TEMA
 
IV BAP
ISBILERMENLIKTE MARKETING
MARKETINGTIŃ MAQSET HÁM WAZÍYPALARÍ
 
Marketing — bazar talapların úyreniwge tiykarlanǵan jaǵdayda 
ónim islep shıǵarıw hám satıwdı shólkemlestiriw.
Marketingtiń zamanagóy koncepciyası bazar ushın zárúr bolǵan 
hám bazarda satıw múmkin bolǵan tovarlardı zárúr kólemde óndiristi 
shólkemlestiriw principine tiykarlanadı.
Marketingtiń maqseti — tutınıwshılar talabın maksimal dárejede 
qanaatlandırıw arqalı joqarı payda alıw hám de tovar satıwdıń eń 
joqarı kólemin támiyinlew.
Bul maqsetke marketingtiń tómendegi wazıypaları arqalı erisiledi: 
— tovar hám xızmetlerge bazar talabı hám onı qanaatlandırıw 
menen baylanıslı mashqalalardı úyreniw;
— bazardaǵı báseki hám básekileslerdi úyreniw;
— tovar satıwdıń nátiyjeli usılların anıqlaw;
— talapqa muwapıq jaǵdayda tovar islep shıǵarıwdı rejelestiriw;
— tovar bahasın durıs qáliplestiriw;
— tovar hám xızmetler haqqındaǵı xabar menen támiyinlew.