U. ǴAfurov, Q. Sharipov

BILIMIŃIZDI SÍNAP KÓRIŃ!
1. Kárxana paydası qalay anıqlanadı?
2. Kárxana paydası qalay bólistiriledi?
3. Kárxana paydasın arttırıwdıń qanday jolları bar?
4. Óndiristiń zıyansız noqatı qalay anıqlanadı?

---

99
21-TEMA
ISBILERMENLIKTI SALÍQQA TARTÍW
Barlıq biznes toparları ushın salıqtı azaytıw hám qolaylastırıw, 
usı tiykarda óndiristi hám salıqqa tartılatuǵın bazanı keńeyttiriw 
zárúr.
Ózleriniń zárúrligi ushın obyektler qurıp atırǵan, jańadan 
shólkemlestirilgen kishi hám orta isbilermenlik subyektlerine birden-
bir salıq tólemin belgili múddetke keshiktiriw huqıqın beriw dárkar. 
Sonday-aq, kishi kárxanalar ushın qosımsha qun salıǵı tólewge 
ótiwdi xoshametlew shárt. 
Ózbekstan Respublikası Prezidenti Sh. Mirziyoev
SALÍQLAR HÁM BASQA MÁJBÚRIY TÓLEMLER
Ózbekstan Respublikasınıń jańa redakciyasındaǵı «Isbilermenlik 
xızmeti erkinliginiń kepillikleri haqqında»ǵı nızamı 9-statyasında 
isbilermenlik xızmeti subyektleriniń minnetlemeleri qatarında salıqlar 
hám basqa májbúriy tólemlerdi tólewi belgilep qoyılǵan. Salıq 
kodeksinde salıqlar hám basqa májbúriy tólemler túsinikleri mazmunı 
tómendegishe kórsetip ótilgen. 
Salıqlar degende usı Kodekste belgilengen, belgili muǵdarlarda 
óndiriletuǵın, turaqlı, qaytarıp berilmeytuǵın hám ǵárezsiz 
ózgesheliklerge iye bolǵan, byudjetke baǵdarlanatuǵın májbúriy 
pul tólemleri túsiniledi.
Basqa májbúriy tólemler degende usı Kodekste belgilengen 
mámeleketlik maqsetli qorlarına májbúriy pul tólemleri, bajıxana 
tólemleri, sonday-aq wákillikke iye organlar hám de lawazımlı 
shaxslar tárepinen yuridikalıq áhmiyetke iye háreketlerdi tólew-
shilerge salıstırmalı ámelge asırıw ushın, sonıń qatarında belgili 
huqıqlardı yamasa licenziyalar hám basqa ruqsat beriwshi hújjetlerdi 
beriw ushın tóleniwi kerek bolǵan jıyımlar, mámleketlik bajı dep 
túsiniledi.