U. ǴAfurov, Q. Sharipov

qabıl etken jaǵdayda satıwdı jolǵa qoyıwıńız múmkin. Usınday 
jaǵdayda qarıydarlar ózleri ushın zárúr bolǵan tovardı aldınnan 
buyırtpa etedi. Buyırtpalar kelisilgen múddette magazinnen alınıwı 
yamasa úy, jumıs ornına jetkeriliwi múmkin. Qolaylıǵı: qarıydar 
tovardı óz waqtında hám kepillengen tárizde satıp aladı; satıwshı 
turaqlı klientke iye bolǵan jaǵdayda, kepillikli satıw múmkinshiligine 
iye boladı.
Quramalı hám báseki kúshli bolǵan sharayattaǵı tovarlardı satıwda 
klient húrmetine iye bolıwdıń nátiyjeli jolı — jeke tártipte xızmet 
kórsetiw bolıp tabıladı. Bunda siz tovar satıwdı hárbir qarıydarǵa 
óz aldına xızmet kórsetiw formasında shólkemlestiresiz. Qarıydarǵa 
tovarlardı tańlawda járdemlesip, tovardan paydalanıw boyınsha 
másláhátler beresiz, tovardı upakovkalap, qarıydarǵa beresiz. Sonday-
aq, qarıydar menen esap-kitap etiwdiń barlıq túrleri, satıwdan keyingi 
xızmet kórsetiw, qarıydardıń qálewine qarap mánzilge jetkerip beriw, 
tovar qaytarılǵan jaǵdayda qabıl etip alıwdı da jolǵa qoyasız.
Eger siz xızmet kórsetiw texnika quralları, mebel hám basqa 
úskenelerdi satpaqshı bolsańız, erkin kórsetiwge qoyǵan jaǵdayda 
satıw túrinen paydalanǵanıńız maqul. Sawda maydanshasına qoyılǵan 
tovarlar menen qarıydar óz betinshe tanısıp shıǵadı, zárúr jaǵdaylarda 
siz ol tańlaǵan tovardıń sapasın tekserip, másláhátler beresiz, tovardı 
orap, qarıydarǵa beresiz.
QURAMALÍ TOVARLARDÍ SATÍW TÚRLERI
Eger siziń tovarlarıńız kólemi jaǵınan úlken, tasıw qıyın bolsa, ol 
jaǵdayda tovarlardıń úlgileri boyınsha satıw túrinen paydalanıw qolay. 
Qarıydarlar óz betinshe yamasa satıwshı baqlawında sawda zalına 
qoyılǵan úlgiler menen tanısıp shıǵadı. Tovar tańlanıp hám haqı 
tólep bolınǵannan keyin siz tovardı magazin skladınan qarıydarǵa 
alıp kelip yamasa onıń úyine jetkerip beriwińiz múmkin.

---

109
Házirgi baylanıs texnologiyaları rawajlanǵan sharayatta telefon 
arqalı satılıw nátiyjeli formalarınan biri bolıp esaplanadı. Usı forma 
tovarlardı satıwdıń tez, erkin forması bolıp, bunda satıwshı klientlerdi 
telefon arqalı reklama etiw quralında qatnastıradı.
Siz quramalı ónim yamasa xızmetler, máselen, injiniring xızmetleri, 
qurılıs, xabar texnologiyaları ónimleri ushın másláhát beriw arqalı 
satıw formasın tańlawıńız durıs esaplanadı. Bunda siz satıwshı 
sıpatında qánige-másláhátshilerdi qatnastırıp, olar qarıydarlarǵa tovar 
haqqında zárúr maǵlıwmatlardı jetkeriw kerek boladı.