U. ǴAfurov, Q. Sharipov

Óz ara dodalaw tiykarında satıwda tovar boyınsha pikirler 
tıńlanadı, satıwshı hám qarıydar arasında óz ara túsiniw, ulıwma 
kózqaras sezimin qáliplestiriwge háreket etiledi.
TOVARDÍ SATÍW BASQÍSHLARÍ
Siz tovar satıwdı nátiyjeli ámelge asırmaqshı bolsańız, onıń hárbir 
basqıshına itibar qaratıwıńız kerek. 
Qatnasıqqa kirisiw hám baylanıs ornatıw. Satıwdıń dáslepki basqıshı 
bolǵan bul process házirgi waqıtta onıń nátiyjesin de belgilep beredi. 
Siz qarıydar menen qatnasıqqa kirisseńiz, eń dáslep onıń isenimine 
kiriwińiz kerek. Qarıydar siziń sózlerińizden hárqanday jaǵdayda da 
óziniń tovarın satpaqshı bolǵan adamdı emes, al óz qálewin tolıq 
túsiniwge háreket etip atırǵan sherikti kóz aldına keltiriwi kerek. Keri 
jaǵdayda, bul basqıshtıń ekinshi bólimi — baylanıs ornatıw ámelge 
aspaydı. Durıs, itimal qarıydar siziń tovarıńızdı satıp alar, biraq 
ol siziń turaqlı klientińiz hám birge islewshińizge aylanbay qalıwı 
múmkin.
Sonlıqtan, qarıydardı tıńlaw hám zárúrligin anıqlaw áhmiyetli 
bolıp esaplanadı. Siz qarıydardı óz qálewin tolıq kórsetiwge imkan 
beriń hám onı dıqqat penen tıńlap atırǵanıńızǵa isendiriń. Bálkim, 
qarıydar óz zárúrligin jeterli dárejede kórsete almaydı. Siz onıń 
zárúrligin durıs anıqlawǵa háreket etiń.
Qarıydar zárúrligi anıqlanǵannan keyingi basqısh — oǵan tovardı 
kórsetiw hám dáliller keltiriw bolıp esaplanadı. Sebebi, qarıydarda 
haqıyqattan da óz zárúrligindegi tovar kórsetilgenine gúman bolıwı 
múmkin. Bul boyınsha dáliller qarıydardı hárqanday jaǵdayda da 
durıs tovar tańlanǵanına isendiriwge emes, al tovardı onıń zárúrligine 

---

110
sáykes ekenligin kórsetiwshi qosımsha maǵlıwmatlar keltiriwge xızmet 
etiwi kerek.
Qarıydar tárepinen qarsılıq bildiriliwine imkan jaratıw zárúr. Bul 
boyınsha durıs jol — qarsılıqqa juwap qaytarıw bolıp esaplanadı. 
Biraq juwap qarıydardıń tovar boyınsha gúman hám qarsılıǵına 
tiykarlı hám de haqıyqat bolıwı kerek. 
Joqarıdaǵı basqıshlardıń durıs ámelge asırılıwınıń juwmaqlaw 
basqıshı — satıwdı ámelge asırıwǵa imkan jaratadı. Siz tárepińizden 
tovardı satıw formaları hám basqıshların durıs jolǵa qoyılıwı tek satıw 
kólemin asırıp emes, al turaqlı klientler ortalıǵıńızdı qáliplestiriwge 
imkan jaratadı.