U yu. O„roqov

Nazorat uchun savollar 
1. Davlat xaridlari jarayoni qanday bosqichlarni o‗z ichiga oladi? 
2. Davlat xaridlarini rejalashtirish kim tomonidan amalga oshiriladi? 
3. Xarid qilish tartib-taomillarini amalga oshirish turlari nimalardan 
iborat? 
4. Davlat xaridlari to‗g‗risidagi axborot jumlasiga nimalar kiradi? 
5. Tovarlarning (ishlarning, xizmatlarning) davlat xaridlariga taalluqli 
baholash mezonlari nimalarni nazarda tutadi? 
6. Tovarlarning (ishlarning, xizmatlarning) davlat xaridlari tavsifiga 
va shartnoma shartlariga taalluqli qoidalar nimalardan iborat? 
7. Tovarlarning (ishlarning, xizmatlarning) davlat xaridi tavsifida 
nimalar bo‗lishi kerak? 
8. Davlat xaridlari to‗g‗risidagi axborot qaysi tilda e‘lon qilinadi va 
tarqatiladi? 
9. Ishtirokchilar qanday mezonlarga muvofiq bo‗lishi kerak? 
10. Qanday holatlarda ishtirokchilarga qo‗shimcha talablar qo‗yiladi? 
11. Birgalikdagi davlat xaridlari deganda nima tushuniladi? 
12. Davlat buyurtmachisi yoki maxsus axborot portali operatori 
qanday hollarda ishtirokchini xarid qilish tartib-taomillarida ishtirok 
etishdan chetlatadi? 
13. Davlat xaridlari tizimida maxfiylik nimalardan iborat? 
14. Davlat xaridlari tizimida odob-axloq qoidalarida nimalar nazarda 
tutiladi? 
15. Manfaatlar to‗qnashuvi nima? 
16. Davlat xaridlari jarayonida qanday cheklovlar mavjud? 
17. Davlat buyurtmachilari bilan tuzilgan shartnomalar reestriga 
qanday hujjatlar va axborot kiritiladi? 
18. Insofsiz ijrochilarning yagona reestri nima? 
19. Insofsiz ijrochilarning yagona reestriga qanday ma‘lumotlar 
kiritiladi? 
74 
 
II QISM. DAVLAT XARIDLARINI AMALGA OSHRISHNING 
TARTIB-TAOMILLARI 
 
6-BOB. ELEKTRON DO„KON ORQALI DAVLAT XARIDLARINI 
AMALGA OSHIRISH TARTIBI 
6.1. Elektron do„kon tushunchasining mohiyati 
 
Elektron do‗kon maxsus talablar tatbiq etilmaydigan iste‘mol 
tovarlarining va boshqa tovarlarning (ishlarning, xizmatlarning) davlat 
xaridlarini amalga oshirish uchun mo‗ljallangan maxsus axborot 
portalidagi maxsus maydonchadir. 
Elektron do‗konda: 

bir shartnoma bo‗yicha bazaviy hisoblash miqdorining yigirma 
besh ming baravarigacha (budjet buyurtmachilari uchun bazaviy hisoblash 
miqdorining ikki ming besh yuz baravarigacha) qiymatdagi tovarlarning; 

bir shartnoma bo‗yicha bazaviy hisoblash miqdorining yuz 
baravarigacha 
(budjet 
buyurtmachilari 
uchun 
bazaviy 
hisoblash 
miqdorining ellik baravarigacha) qiymatdagi ishlarning, xizmatlarning 
davlat xaridlari amalga oshirilishi mumkin. 
Elektron do‗kon orqali budjet buyurtmachisi tomonidan ayni bir 
turdagi tovarlarning davlat xaridi bir moliya yili davomida bazaviy 
hisoblash miqdorining o‗n ming baravarigacha amalga oshirilishi mumkin. 
Elektron do‗kon orqali budjet buyurtmachisi tomonidan ayni bir 
turdagi ishlarning, xizmatlarning davlat xaridi bir moliya yili davomida 
bazaviy hisoblash miqdorining besh yuz baravarigacha (korporativ 
buyurtmachilar uchun bazaviy hisoblash miqdorining bir ming 
baravarigacha) amalga oshirilishi mumkin. 
Byudjet buyurtmachisi elektron do‗konda ishtirok etish uchun davlat 
xaridlari tizimida birja va Moliya vazirligi bilan yo‗lga qo‗yilgan axborot 
almashinuvi orqali avtomatik tarzda ro‗yxatdan o‗tkaziladi. Byudjet 
buyurtmachisi davlat xaridlari tizimida ro‗yxatdan o‗tgandan keyin, 
tashkilot nomiga birjaning Hisob-kitob kliring palatasida hisob varaq 
ochiladi. 
Korporativ buyurtmachi esa elektron davlat xaridlari tizimida 
ro‗yxatdan o‗tish uchun davlat xaridlari bo‗yicha maxsus portal – 
xarid.uzex.uz saytiga kiradi. Saytining o‗ng tomon tepa qismidagi 
―Ro‗yxatdan o‗tish‖ tugmasi bosiladi. Birjaning barcha savdo 

---

75 
 
platformalarida ro‗yxatdan o‗tishni ko‗zda tutuvchi sahifasida ―Elektron 
raqamli imzo bilan‖ doirasiga belgi qo‗yiladi. Davlat xaridlaridagi 
korporativ buyurtmachi tanlanadi. Oferta bilan tanishib chiqilgandan 
so‗ng, ―qabul qilaman‖ katagiga belgi qo‗yiladi va―Ro‗yxatdan o‗tish‖ 
tugmasi bosiladi. Ochilgan keyingi sahifada so‗ralgan ma‘lumotlar 
kataklari to‗ldiriladi va belgi qo‗yilib, ―Jo‗natish‖ tugmasi bosiladi. 
Shu bilan ro‗yxatdan o‗tish jarayoni tugaydi va mijozga Hisob-kitob 
kliring palatasida hisobvaraq ochiladi. Elektron davlat xaridlari bo‗yicha 
kelgusidagi barcha operatsiyalar elektron raqamli imzodan foydalangan 
holda buyurtmachining shaxsiy kabineti orqali amalga oshiriladi.