Uchburchak deb nimaga aytiladi? Uchburchakning tomonlariga ko’ra turlarini ayting

"Domino” o’yini. O’yinga 2 ta o’quvchi qatnashadi. Ular xuddi domino o’yiniday o’ynaydilar. Faqat dominoning kartochkasida matematika faniga oid savol va javoblar yozilgan bo’ladi. Bitta kartochkada savol, boshqa kartochkaga javobi yozilgan bo’ladi. Bolalarning vazifasi mos keladiganini topib o’shani ro’para qo’yish. Kartochkalar tugaguncha o’yin davom etadi.

“Men kim men” o’yini. 3ta o’quvchining boshiga so’zlar yozilgan peshonabog’lar kiygiziladi. O’quvchilarning vazifasi peshonabog’ida yozilgan matematika faniga asos solgan olimning nomini topishdir. Ular turli savollar beradilar.O’tirgan o’quvchilar “Ha” yoki “Yo’q” deb javob beradilar.

“Zinama - zina” o’yini. Bunda bir o’quvchi yoki guruhlarda o’tirgan o’quvchilar bilan alohida- alohida o’yinni tashkil etish mumkin. Bunda savollar oddiydan murakkabga qarab beriladi. Beriladigan ballar ham savolga qarab oshib boradi. Savollar albom varag’ida tayyorlangan xaltachalarda qo’yiladi.
“Men nima men” o’yini. 3ta o’quvchining boshiga so’zlar yozilgan peshonabog’lar kiygiziladi. O’quvchilarning vazifasi peshonabog’ida yozilgan matematika faniga oid asboblar, shakllar …..topishdir. Ular turli savollar beradilar.O’tirgan o’quvchilar “Ha” yoki “Yo’q” deb javob beradilar.
“Ajoyib kvadrat” o’yini. Quyidagi kvadratga 1dan 9 gacha sonlarni shunday joylashtiringki, bu sonlarning barcha yo’nalishdagi (vertical, gorizontal, dioganal) yig’indisi 15 ga teng bo’lsin.

Javobi: Buni topish uchun 1 dan 9 gacha sonlar bo’lgan sonlar quyidagicha sonlar va dioganal chiziqlar o’tkaziladi. Dioganal chiziqlar o’tkazilgandan keyin kvadratdan tashqariga 4 ta son qoladi. Bu sonlarni joylashtirish tartibi quyidagicha: tashqarida qolgan son qo’shni bo’sh katakka qo’yilmasdan qarama-qarshi bo’sh katakkka yoziladi.

2	7	6
9	5	1
4	3	8