Umum ped na amal-O`um 13-14

Mashg`ulotdan ko‘zlangan maqsad:
Ta‘limiy maqsad: ijtimoiy tarbiyaning maqsad, vazifalari va mazmunini yoritib berish, tarbiya metodlarini
mohiyati va turlari to‘g`risida tushuncha berish. 
Tarbiyaviy maqsad: Tarbiya metodlarini o‘rganish orqali bo`lg`usi o`qituvchilarda tarbiyaviy faoliyatda 
ulardan foydalanish ko`nikmalarini shakllantirib borish 
Rivojlantiruvchi maqsad: metodlarini tarbiya jarayonida to‘g`ri tanlab bilishni o‘rgatish, o‘zlashtirishi past
bo‘lgan o`quvchilarga alohida topshiriqlar berib, individual yondashishni shakllantirish. 
MAShG`ULOTNING BORIShI 
Tarbiya biz uchun yo hayot- yo mamot, yo najot yo halokat, yo saodat- yo falokat masalasidir.
Abdulla Avloniy. 
Tarbiya metodlari haqida so‘z yuritilar ekan, avvalo talabalar tarbiya metodi nima? degan tushunchani 
yoritishlari kerak. Aniq bir maqsadga qaratilgan tarbiyaning samaradorligi tarbiyachining qanday metoddan 
foydalanishga bog`liq. 
Tarbiya natijasi tarbiya jarayonining usullari, uslubi, vositalari va shakllaridan mohirona foydalanishga bog`liq. 
Tarbiyachilar ta‘sir etishning bola shaxsiyatiga mos usulini eng maqbul usulini tanlab olishi, uning shaxsini 
o‘zgartirishi uchun kerakli shart - sharoit yaratishlari lozim. Tarbiya usullari har bir bolaga har qaysi bolalar jamoasiga 
alohida munosabatda bo‘lishni nazarda tutadi. 
Xalq pedagogikasi o‘zbekona axloq, odob va tarbiyaning murakkab barcha qirralarini o‘zida 
mujassamlashtiradi. 
Metod- yunoncha atama bo‘lib- aynan nimagadir yo‘l, usul orqali maqsadga erishish yo‘lini bildiradi. Metod, ya‘ni 
usul axborotni uzatish va qabul qilish xarakteriga qarab: 
1. So‘z orqali ifodalash usuli. 
2. Ko‘rgazmalik usuli. 
3. Amaliy, namuna usuli. 
4. Rag`batlantirish va jazo usuli. 
Yuqoridagi metodlar o‘z navbatida quyidagi guruhlarga bo‘linadi: 
Brinchi guruh- so‘z orqali uzatish, maslahat berish, ma‘lumotlarni eshitish orqali qabul qilish, hikoya, 
ma‘ruza, suhbat va boshqa usullarga;