Universiteti abdullayeva shaxzoda abdullayevna askarov abror davlatmirzayevich
Download 2.03 Mb. Pdf ko'rish
|
-.-
- Bu sahifa navigatsiya:
- Pedagogning o‘quv materialini bayon etish qobiliyati
- O‘qituvchining kuzatuvchanlik qobiliyati
|
Pedagogning bilish qobiliyati - fanning tegishli sohalariga oid bilimlarni
chuqur o‘zlashtirish qobiliyatidir. Bunday qobiliyatga ega bo‘lgan o‘qituvchi fanni o‘quv kursi hajmidagina emas, balki ancha keng va chuqur idrok etadi, o‘z fani sohasidagi kashfiyotlarni hamisha kuzatib boradi. Faniga nihoyatda qiziqadi, tadqiqot ishlarini ham bajaradi. Pedagogning o‘quv materialini bayon etish qobiliyati - o‘qituvchining o‘quv materialini o‘quvchilarga tushunarli qilib bayon etishi, material yoki muammoni ularga aniq va tushunarli qilib aytib berish, o‘quvchilarda mustaqil ravishda faol qiziqish uyg‘otish qobiliyatidir. O‘qituvchi zarur hollarda o‘quv materialini o‘zgartira olishi, qiyin narsani oson, murakkab narsani oddiy, noaniq narsani tushunarli qilib o‘quvchilarga yetkaza olishi darkor. O‘qituvchi o‘quvchining mustaqil fikrlashini doimo rag‘batlantirib, ular ruhiyatini hisobga oladi. Qobiliyatli pedagog o‘quvchilarning bilim va kamolot darajasini hisobga oladi, ularning nimani bilishlari va hali nimani o‘rganishlari lozimligini tasavvur etadi. Qobiliyatli, tajribali o‘qituvchi empatiyaga moyil (o‘zini o‘quvchining o‘rniga qo‘ya oladigan) bo‘lib, taqdim qilinayotgan o‘quv materialini idrok qilishda tahsil oluvchining yoshini ham inobatga olishni biladi, chunki katta yoshdagilarga aniq va ravshan bo‘lgan narsa kichik yoshdagilarga tushunarsiz va mavhum bo‘lishi mumkinligini inobatga oladi. Qobiliyatli o‘qituvchi o‘quv materialini bayon etish jarayonida o‘quvchilar tomonidan bilim o‘zlashtirish qanday kechayotganligini qator belgilar asosida aniqlaydi va zarurat tug‘ilganda bayon qilish usulini o‘zgartiradi. O‘qituvchining kuzatuvchanlik qobiliyati - o‘qituvchining tahsil oluvchilar ichki dunyosiga kira olish qobiliyati, o‘quvchi shaxsini va uning vaqtinchalik ruhiy holatlarini juda yaxshi tushuna bilish bilan bog‘liq bo‘lgan psixologik kuzatuvchanlikdir. Qobiliyatli o‘qituvchi uncha katta bo‘lmagan tashqi ko‘rinishlar asosida o‘quvchining ichki holatidagi juda arzimagan o‘zgarishlarni ham fahmlab oladi. O‘quvchilarning kayfiyati, ularning darsga tayyorgarlik darajasini aniqlay oladi. |
