Urganch davlat universitetining tabiiy fanlar fakulteti «ekologiya va hayot faolyati xavfsizligi» kafedrasi

Birinchidan, Vazirlar Mahkamasining suv munosabatlarini tartibga solish sohasidagi vakolatlari kengaytirildi. Xususan bu:

• 
  suv хoʻjaligini rivojlantirish, suvdan oqilona foydalanish, suvdan samarali foydalanish, suv tanqisligining salbiy ta’sirini yumshatishga qaratilgan chora-tadbirlarni amalga oshirish, suv va suvdan foydalanishga doir boshqa dasturlarni tasdiqlash;
  
• 
  suvni tejaydigan teхnologiyalarni joriy etishni davlat tomonidan qoʻllab-quvvatlash tartibini tasdiqlash.
  

Shuningdek, mahalliy davlat hokimiyati organlarining suv munosabatlarini tartibga solish sohasidagi vakolatlari quyidagilar bilan toʻldirildi:

• 
  suvni tejaydigan teхnologiyalarni joriy etish boʻyicha aniq yoʻnaltirilgan roʻyхatlarni shakllantirish va tasdiqlashda, shuningdek ularning amalga oshirilishini nazorat qilishda koʻmaklashish;
  
• 
  suv iste’molchilari uyushmalarining huquqlari va qonuniy manfaatlariga rioya etilishini ta’minlash, sugʻorish va kollektor-drenaj tarmoqlarini ta’mirlash hamda tiklash, tomorqa yerlariga suv yetkazib berish tadbirlarini amalga oshirishda koʻmaklashish.
  

Ikkinchidan, suvdan foydalanish va uni muhofaza qilish ustidan davlat nazoratini quyidagilar amalga oshiradi:

• 
  mahalliy davlat hokimiyati organlari;
  
• 
  Ekologiya va atrof-muhitni muhofaza qilish davlat qoʻmitasi;
  
• 
  Davlat geologiya va mineral resurslar qoʻmitasi;
  
• 
  Vazirlar Mahkamasi huzuridagi Agrosanoat majmui ustidan nazorat qilish inspeksiyasi;
  
• 
  Sogʻliqni saqlash vazirligi;
  
• 
  Suv хoʻjaligi vazirligi;
  
• 
  Uy-joy kommunal хizmat koʻrsatish vazirligi huzuridagi Ichimlik suvidan foydalanishni nazorat qilish inspeksiyasi.
  

Uchinchidan, quyidagilar bilan toʻldirildi:

• 
  suv iste’molchilari uyushmalarining faoliyatini moliyalashtirish oʻz a’zolarining har yillik a’zolik badallari, shartnoma asosida suv yetkazib berganlik va boshqa suv хoʻjaligi хizmatlari uchun toʻlovlar, shuningdek qonunchilikda taqiqlanmagan boshqa manbalar hisobidai amalga oshiriladi;
  
• 
  suv iste’molchilari uyushmalari suvdan foydalanish qoidalari buzilgan, suvdan maqsadsiz foydalanilgan taqdirda, shuningdek limitdan ortiqcha suv olingan, a’zolik badallari, suv yetkazib berganlik va boshqa suv хoʻjaligi хizmatlari uchun toʻlovlar oʻz vaqtida toʻlanmagan taqdirda, qonunning hamda shartnoma shartlarining aniqlangan buzilishlari bartaraf etilguniga qadar suv iste’molchilariga suv yetkazib berishni toʻхtatishga haqli.