Қурилиш меъёрлари ва қоидалари зилзилавий ҳудудларда қурилиш
Боғламларнинг кесим юзаси, см2/м
Download 0.75 Mb.
|
КМК 2.01.03-19 узбек март
Боғламлар диаметри 10 мм дан кам, сейсмиклиги >9 ва 9* балли зоналарда эса 12 мм дан кам бўлмаслиги лозим. 3.3.8. Эшик ўринларининг ён қирралари 7-8, 9, >9 ва 9* балли ҳудудларда мос равишда кесим юзаси 1; 1,5; 2 ва 3 см2 дан кам бўлмаган вертикал арматуралар билан узлуксиз жиҳозланиши зарур. Дераза ўринлари ҳам худди шундай кесимга эга бўлган арматура билан кучайтирилади. 3.3.9. Ички девор панелларининг перемичкаларини симметрик арматуралаш лозим. Ташқи деворлар учун дераза ости ва дераза усти перемичкаларининг биргаликдаги ишлашини конструктив нуқтаи назардан таъминлаш учун таркибли кесим симметрик арматураланиши керак. Агар перемичкаларнинг биргаликдаги ишлаши таъминланмаса, унда дераза ости ва дераза усти перемичкалари симметрик арматураланади. 3.3.10. Кўндаланг куч таъсиридан бузиладиган перемичкаларнинг юк кўтариш қобилияти эгувчи момент бўйича бузилишига нисбатан 25% га юқори бўлиши лозим. Сейсмик юклардан вертикал юк кўтарувчи элементларда ҳосил бўладиган зўриқишларни тартибга солиш ва қайта тақсимлаш учун перемичкалардан фойдаланиш мумкин. 3.4. СИНЧСИЗ ЯХЛИТ БИНОЛАР 3.4.1. Яхлит бетондан барпо этиладиган биноларни лойиҳалашда, одатда, ораёпмалари яхлит ёки йиғма темирбетондан иборат, деворлари ўзаро кесишадиган конструктив системалардан фойдаланиш мақсадга мувофиқ. Тўсинли схемада ишлайдиган ва 3.3.3 банд талабларига жавоб берадиган йиғма темирбетон плиталарни ишлатишга рухсат берилади. 3.4.2. Яхлит биноларнинг юк кўтарувчи ички деворлари учун синфи В7,5 дан паст ва ўртача зичлиги D1700 дан кам бўлмаган, сейсмиклиги >9 ва 9* балли ҳудудларда синфи В15 дан паст бўлмаган оғир ёки енгил бетон ишлатилади. Ташқи деворларни бир ёки кўп қатламли қилиб, синфи В5 дан паст бўлмаган яхлит бетон, йиғма панеллар ва донали материаллардан барпо этилиши мумкин. Ташқи деворнинг иссиқлик сақловчи қатлами юк кўтарувчи қатламнинг ташқи томонидан зичлиги 125 кг/м³ дан кам ва 200 кг/м³ дан ортиқ бўлмаган самарадор иссиқлик сақловчи материаллардан бажарилиши керак. 3.4.3. Қават баландлигининг девор қалинлигига нисбати 20 дан, икки дераза ёки икки эшик оралиғидаги девор (простенка) баландлигининг энига бўлган нисбати 2,5 дан ошмаслиги лозим. Перемичкаларни қурилмалашда қия кесим бўйича юк кўтариш қобилияти нормал кесим бўйича юк кўтариш қобилиятидан 1,25 марта катта бўлиши зарур. 3.4.4. Деворлар ва икки дераза оралиғидаги деворлар бир текис тақсимланган горизонтал ва вертикал стерженли фазовий синчлар билан арматураланиши керак. Дераза ва эшик ўринлари атрофи бўйлаб 3.3.8 банд талабларига мувофиқ арматура билан қурилмаланади. 3.4.5. Йиғма темирбетон ораёпмалар ва том ёпмалар сатҳида ички ва ташқи деворлар бўйича узлуксиз арматуралаш кўзда тутилиши лозим. Арматуранинг кўндаланг кесими ҳисобий сейсмиклик 7-8 баллда - камида 1 см2, 9 баллда -камида 2 см2, >9 ва 9 баллда - камида 3 см2 олиниши керак. 3.4.6. Ташқи ва ички деворларнинг сирти ҳар бир девор кесими юзасининг 0,025% дан кам бўлмаган фоизда арматура билан жиҳозланади. 3.4.7. Ўзаро перпендикуляр жойлашган деворлар бир пайтнинг ўзида бетонланмаса ёки ташқи ва ички деворлар учун турли хил материаллар ишлатилса, қамровлар чегарасида бўлган вертикал технологик чокларда баландлик бўйлаб бир текис жойлашган шпонкалар ҳосил қилиниши ва элементлардан чиқиб турадиган горизонтал арматура стерженлар қолдирилиши лозим. Технологик чоклардаги эски ва янги бетоннинг боғланишини ошириш учун эски бетон сиртига махсус ишлов берилади. 3.5. ТОШ-ҒИШТЛИ БИНОЛАР 3.5.1. Ғишт (тош) ли девор терими учун боғланишнинг бир қаторли (занжирли) тизим қўлланилиши лозим. Сейсмиклиги 7 балли майдончаларда вертикал чокларни боғлашнинг кўп қаторли тизимини қўллашга рухсат этилади. Бунда 3 қатордан ортиқ бўлмаган теримда ғиштлар бўйламасига (ложковый ряд), кейинги қаторда эса эни (тычковый ряд) билан терилиши керак. Сейсмик туманларда тикланадиган юк кўтарувчи ва ўз юкини кўтарувчи деворларда ичи иссиқлик сақловчи қатламдан иборат енгиллаштирилган терим қўлланилишга рухсат этилмайди. Юк кўтарувчи ғишт ёки тош деворлар, одатда, ғишт, сопол, бетон ва табиий тошлар ёки блоклардан, пластификаторлар ва ғишт ёки тош билан қоришманинг ёпишиб боғланишини оширадиган махсус қўшимчалар қўшилган қоришмалардан фойдаланиб тикланилади. Ғишт ёки тошдан тикланган деворларни қанчага кучайтириш зарурияти ҳисоб асосида аниқланиши керак. Ҳисобий сейсмиклик 9 баллдан юқори бўлганда, қўлда териладиган деворлар қуйидаги усулларнинг бири билан кучайтирилади: - горизонтал арматуралаш ва темирбетон ўзаклар киритиш билан; - горизонтал арматуралаш ва темирбетон ўзаклар киритиб, деворларнинг ўзаро кесишадиган жойларини зич жойлаштириладиган тўрлар билан арматуралаш билан; - вертикал йўналишда бир ёки икки томонлама арматураланган цементли қоришма ёки бетон билан қоплаш. Ҳисобий сейсмиклик 9* балл бўлганда қуйидаги усуллар қўлланилади: - зич жойлаштириладиган горизонтал арматуралаш ва темирбетон ўзаклар киритиб, деворларнинг ўзаро кесишиш зоналарини зич жойлаштириладиган тўрлар билан арматуралаш; - вертикал йўналишда икки томонлама арматураланган цементли қоришма ёки бетон билан қоплаш. 3.5.2. Ҳисобий сейсмиклиги 9 ва ундан юқори бўлган ҳолларда, юк кўтарувчи ва ўз юкини кўтарувчи ғишт ёки тош (шунингдек, арматураланган ёки темирбетон ўзак билан кучайтирилган) теримларини манфий ҳароратда қўлда бажариш тақиқланади. Ҳисобий сейсмиклик 9 баллдан паст бўлганда қоришманинг манфий ҳароратда қотишини таъминловчи қўшимчалар қўшиш орқали қиш мавсумида теримни қўлда бажаришга рухсат этилади. 3.5.3. Юк кўтарувчи ва ўз юкини кўтарувчи деворларни териш ёки синчлар ораларини тўлдириш учун қуйидаги буюмлар ва материалларни ишлатиш мумкин: а) пишириш йўли билан тайёрланган маркаси 75 дан паст бўлмаган яхлит ёки ўлчамларии 14 мм гача тешикли ва бўшлиғининг ҳажми 20% дан ошмаган ғиштлар; Download 0.75 Mb. Do'stlaringiz bilan baham: 
|