Ўқув йили битирувчиларининг якуний бандлиги натижалари ва 2021/2022 ўқув йили битирувчиларини ишга тақсимлаш ва жойлаштириш бўйича амалга оширилган ишлар тўғрисида маълумот

ИЛМИЙ КЕНГАШ ҚАРОРИ:
1. Маркетинг ва талабалар амалиёти бўлими бошлиғи Б.Ҳ.Саломовнинг 2021/2022 ўқув йилида «Республика иқтисодиётининг битирувчи мутахассисларга бўлган эҳтиёжи, буюртмачилар билан алоқалар тўғрисида»ги ҳисоботи маълумот учун қабул қилинсин.
2. 2021/2022 ўқув йилида институт битирувчиларининг ўз мутахассислиги бўйича бандлигини таъминлашга алоҳида эътибор берилсин ҳамда тадбиркорлик фаолиятини бошлаш истагида бўлган институт ёш битирувчиларига ўз бизнес лойиҳаларини сифатли шакллантиришда ва имтиёзли кредит маблағларини олишлари учун бизнес ғояларини охирига етказиш ҳамда маслаҳатлар бериш ишлари олиб борилсин (масъуллар: ишчи гуруҳи аъзолари, менежмент кафедраси, Маркетинг ва талабалар амалиёти бўлими бошлиғи, муддат: 2022 йил 20 июнга қадар).
3. 2021/2022 ўқув йили битирувчиларини бандлигини таъминлашда ишчи гуруҳи томонидан ўз мутахассислиги бўйича ишга жойлаштиришга алоҳида эътибор берилсин ҳамда битирувчиларга www.mehnat.uz ҳамда vacancy.argos.uz сайтларидан корхоналарда мавжуд бўш иш ўринлари тўғрисидаги маълумотларни олишлари бўйича ташвиқот ишлари олиб борилсин. (масъуллар: мутахассилик кафедра мудирлари, ишчи гуруҳи аъзолари, Маркетинг ва талабалар амалиёти бўлими бошлиғи)
4. Битирувчиларни 3 томонлама шартнома асосида ишчи гуруҳи томонидан ишга тақсимланган жойига йўлланма ва шаҳсий варақасини расмийлаштириш, ишга жойлаштириш ишлари ўз вақтида амалга ошириш ва Hemis программасига мониторинг натижаларини киритиб бориш. (масъуллар: мутахассилик кафедра мудирлари, ишчи гуруҳи аъзолари, Маркетинг ва талабалар амалиёти бўлими бошлиғи).