ЎҚув-методик қЎлланма ўзсср халқ таълими вазирлиги

VI титул. Итларни ўғирлаганлиги ҳақида.

1-§. Агар кимки ўргатилган ов итини ўғирласа ёки ўлдирса, 15 солид тўлашга ҳукм қилинади.

2-§. Агар кимки подачининг итини ўғирласа ёки ўлдирса, ўғирланганнинг баҳоси ва зарарнинг ўрнини қоплаш ҳисобга олинмай, 3 солид тўлашга ҳукм этилади.


VII титул. Қушларни ўғирлаганлиги ҳақида.

3-§. Иккинчи тўлдириш. Агар кимки хўроз, ўғирласа ўғирланганнинг баҳоси ва келтирган зарарининг ўрнини қоплаш ҳисобга олинмай, 3 солид тўлашга ҳукм этилади. Учинчи қўшимча. Агар кимки товуқ ўғирласа, ўғирланганнинг баҳоси ва келтирилган эарарнинг ўрнини

қоплаш ҳисобга олинмай, 3 солид тўлашга ҳукм этилади.
4-§. Агар кимки ғоз ўғирласа, фош қилинса, 3 солид тўлашга ҳукм этилади.
Бешинчи қўшимча. Агар кимки бегонанинг қафасидан каптарини ўғирласа, 3 солид тўлашга ҳукм қилинади.


VIII титул. Асаларини ўғирлаганлиги ҳақида
.
1-§. Агар кимки, қулфланган жойдан битта асалари яшигини ўғирласа, фош қилиниб, 45 солид тўлашга ҳукм этилади.
4-§. Агар кимки 7 та ёки ундан кўп асалари яшигини ўғирласа ва ўғирлангаи жойда нимадир қолса, ўғирланганнинг баҳоси ва келтирилган зарарнинг ўрнини қоплаш ҳисобга олинмай, 45 солид тўлашга ҳукм этилади.
IX модда. Экинзор ёки қандай бўлмасин иҳота қилиб олинган жойга етказилган зарар ҳақида.

1-§. Агар кимки ўзининг экин майдонида қорамол ёки от, ёки қандай бўлмасин майда ҳайвонни учратса унга шикаст етказмаслиги керак. Агар у шу ишни қилса хатосига иқрор бўлиб, унинг баҳосини тўлаб, шикастланган ҳайвонни ўзига олиши керак. Агар иқрор бўлмаса, айби фош қилиниб, 15 солид тўлашга ҳукм қилинади.

4-§. Агар кимнингдир чўчқаси, қорамоли ёки молнинг эгаси бегона одамнинг экинзори тўсиб қўйилганига қарамай тўсиқни бузиб кирса, айбини аниқлаб, 15 солид тўлашга ҳукм этилади.
2-қўшимча. Агар кимдир душманлик ёки маккорлик билан бировнинг иҳотасини бузиб экин майдонига, яйловига, узумзорига ёки қандайдир бошқа экинзорга молини киритса, унда жиноят гувоҳлар томонидан тасдиқланган ҳолда жиноятчидан келтирган зарарни тўлатиб ва ундан ташқари 30 солид тўлашга ҳукм этилади.