Узбекистон республикаси согликни саклаш вазирлиги тиббий таълимни ривожлантириш маркази андижон давлат тиббиёт институти

Иммуносупрессия. Вирус билан зарарланган организмда хужайралар ичида ИТВ репликацияси бошлангач, бу махсулотлар организмда туплана бошлайди. Шу даврдан бошлаб ОИВ-инфекцияси узининг иммуносупрессив таъсирини утказа бошлайди. Бундай таъсирга эга булган вирус махсулотлари юкорида айтиб утилган вирус кобиги оксили gp120 ва р67 дир. Синтез килинган gp120 нинг 50% га якини хужайрадан конга чикиб, у ердаги Т₄-лимфоцитлар ва бошка хужайралар билан бирикадилар. Иммуносупрессив таъсир килувчи яна бир омил р67 хам бу жараёнга уз хиссасини кушади. Инфекциянинг дастлабки даврларида, иммун тизимининг куп кисми зарарланмаган пайтда вирусга карши антитаначалар ишлаб чикарилади ва улар вируснинг оз кисмини инактивация килади, аммо бу инфекцион жараённи ривожланишини тухтатиб кола олмайди. Кейинчалик эса антитаначалар факат кучсиз вирусларнигина инактивация килади, кучли ва вирулентлиги юкори булган вируслар эса сакланиб колади, бу омил инфекцион жараённин янада кучайишига олиб келади.
Гуморал иммунитет. ИТВга карши махсус антитаначалар инфекция юктириб олган одамларнинг факат 90% дагина аникланади. Агар инфекция юкиши тери ёки шиллик кават оркали юз берган булса, сероконверсия бир ойдан кейин буладими ёки 10 йилдан кейин буладими буни хеч ким аввалдан айтиб бера олмайди. Юкиш конга вируснинг катта дозаси тушиши оркали юз берса, гуморал иммун жавобнинг динамикаси стандарт ва аник. ИТВ антигенлари иммунофермент усулида 2 хафтадан кейин аниклана бошлайди, антитаначалар эса 8-хафтадан бошлаб аникланади. Вирусни юктириб олган шахсларда В-лимфоцитларни поликлонал фаоллашувининг белгиси булган гипергаммаглобулинемия кузатилади. Иммуноглобулинлардан эса иммуноглобулин А нинг ортиши ОИВ-инфекцияси учун хосдир. 80% беморларда конда ЦИК микдори ортган. Иммуноглобулин Е микдори нормадан юкори, Т₄-лимфоцитлар сони канчалик паст булса, иммуноглобулин Е шунчалик ортиб бораверади.
Иммунитетнинг Т-тизими. ИТВнинг энг асосий нишони Т₄-лимфоцит хелперлар индукторлардир. Кондаги вирус билан зарарланган Т₄-лимфоцитлар микдори касалликнинг кечки вактларида хам 1% дан ортмайди, аммо лимфоид тукималарда зарарланган лимфоцитлар микдори кондагидан 10-15 баробар купдир. Дастлаб касалликнинг аломатлари кузатилмган даврда Т₄-лимфоцитларнинг В-лимфоцитлар учун хелпер хисобланган эффекторлар субпопуляцияси аник даражада камайиб кетади. Т₄-лимфоцитларнинг супрессорлар учун индуктор хисобланган субпопуляцияси эса кечрок камая бошлайди. Т₈-лимфоцитларнинг кондаги микдори касалликнинг эрта давридаёк кескин ортиб кетади ва клиник ривожланган ОИТС давридагина уларнинг микдори пасаяди. Т₈-лимфоцитларнинг цитотоксик субпопуляцияси супрессор субпопуляциясига нисбатан купрок ортади.
Шундай килиб, инфекциянинг эрта даврларидаёк Т₄: Т₈ коэффициенти пасайиб кетади ва 63% холларда 1 дан паст булади.
Нормал киллерларнинг фаоллиги беморларда аник ва кучли пасайган. Бу хужайраларнинг цитолиз функциясини бажарувчи субпопуляцияси прогрессив равишда камайиб боради, цитостаз функциясини бажарувчи субпопуляцияси эса инфекциянинг бошлангич даврларида бироз ортган.
Антиген ташувчи хужайралар (моноцитлар, макрофаглар, дендрит хужайралари) функцияси хам инфекцион жараён ривожланиб боргани сари издан чикади.