Узбекистон республикаси согликни саклаш вазирлиги тиббий таълимни ривожлантириш маркази андижон давлат тиббиёт институти

Карбункул
Агар бир неча фурункул бир ерда бир-бирига кушилган холда булса – карбункул деб аталади. Карбункул бирданига бир неча еридан уч бериб рилади. купинча карбункул огир утади, айникса карияларда ва ёш болаларда, конга утиб, сепсис бериши мумкин. Карбункулни асосан жаррохлар даволайди, шунинг учун биз унга тухтамаймиз.
Стрептококкли пиодермитлар
Cтрептококклар стафилококклардан фарк килиб терининг соч фолликуларини жарохатлайди. Жарохатланиш терининг юкори кисмида булиб, хосил булган пуфакчалар бушашган (фликтена), кобиги буш, ичида йирингли хира суюклиги булади ва атрофга тез таркалади. Cтрептококкли пиодермитларга импетиго, оддий темиратки, лаб бичилиши ёки тиркишсимон импетиго, панжалар орасидаги стрептодермия, паронихия ёки юзаки панариций (хасмол), куз яра (эктима)лар киради.
Импетиго
Cтрептококкли импетигоси стрептококклар туфайли терининг юза шикастланиши булиб, асосан болалар ва хотин – кизларда авж олади, чунки улар териси эркаклар терисига караганда бирмунча юпка, нозик, осон чакаланадиган булади. Касаллик асосан юзда ва тананинг бошка очик кисмларида пайдо булади.
Клиникаси. Терида гиперемияланган гардиш билан уралган ва периферияга караб усишга мойил булган юмшок фликтеналар вужудга келади. Уларнинг ичидаги суюклик кисман тез (1-2 кундан кейин) куриб, сомондай сарик рангли калокка айланади. Бу калоклар тушиб кетгандан кейин нам булиб турадиган пушти–кизил рангли юза эрозия куриниб колади. Фликтеналар купинча, юзда, аксари бурун ва огиз атрофида жойлашади, лекин кул-оёк панжалари, тизза ва бошка жойларда хам пайдо булиши мумкин. Касаллик калокларни ураб турган фликтеналарнинг периферияга караб усиш йули билан хам (калоклар остида эт битиш жараёнлари булиб туради), янги тошма эелемнтлар пайдо булиб туриши натижасида хам таркалиб боради. 5-7 кун сакланиб турадиган калок тушиб кетгандан кейин одатда бирмунча вактгча сал пигментланган кук тусли дог сакланиб туради. Тошма тошиши бир оз бадан кичиши, эрозия пайдо булган вактда эса салгина огрик булиш билан бирга давом этади. бадан кичишиши терининг тирналишига ва соглом кисмларига инфекция утишига сабаб булади. Фликтеналар ва калоклар бир-бири билан кушилиб, катта-катта касаллик учокларини хосил килади. Бемор факат куллари билан эмас, балки сочик, жилди ва бошка рузгор буюмлари билан хам инфекцияни терининг бир кисмидан иккинчи кисмига юктириши мумкин. Атрофдагиларга касаллик юкиш хавфи хам бор. Бемор буюмлари ишлатилганида ёки бемор билан якин алокада булганида касаллик атрофдагиларга осонгина утиши мумкин. Болалар уйинчоклар, сочик ва бошкалар оркали касалликни бир-бирига осон юктиради. Пиодермияга карши тегишли кураш чоралари курилмайдиган ва санитария – гигиена нормаларига риоя килинмайдиган булса, болалар коллективларида стрептококк импетигоси бирдан авж олиб таркалиб кетиши осон. Стрептококк импетигосининг бир неча клиник тури бор.