«uzcard security requirements» томонидан интернет тармоғи орқали амалга ошириладиган хизматлардан фойдаланишда хавфсизлик талаблари

«UZCARD SECURITY REQUIREMENTS» ХАВФСИЗЛИК ТАЛАБЛАРИГА АМАЛ ҚИЛИШНИ НАЗОРАТ ҚИЛИШ

1. Тўлов тизимининг оператори иштирокчиларнинг «UZCARD SECURITY REQUIREMENTS» хавфсизлик талабларига амал қилишларини назорат қилади. Талабларга амал қилиш устидан назорат дастлабки, профилактик ёки талабларнинг бузганлик ҳолати бўйича амалга оширилиши мумкин. Тўлов тизимининг оператори ташкилий-техник текширувларни ўтказиш даврийлигини белгилаш ҳуқуқига эга.

2. Ташкилий-техник текширув, БК эгалари ҳақидаги маълумотларни сақловчи, ишлов берувчи ва ўтказувчи иштирокчининг тўлов иловасига нисбатан ўтказилади.
3. Иштирокчи ахборот тизимларининг ахборот хавфсизлиги (АХ), электрон тижорат бўйича иштирокчининг амалий дастурий таъминланганлиги даражасини ҳар йили режага оид ташкилий-техник текширувини ўтказади. Режага оид ташкилий-техник текширув ТТ оператори томонидан ўтказилади.
4. ТТ да иштирокчининг айби билан, хавфсизлик хатар остида бўлиши ҳолатлари аниқланган ҳолда, оператор режадан ташқари ташкилий-техник текширувни ўтказиш ҳуқуқига эга бўлади. Режадан ташқари ташкилий-техник текширувни ЯУПМ ваколатли ходимлари ёки техник текширувни ўтказиш ваколатига эга бўлган учинчи томон ўтказади.
5. Иштирокчи БК маълумотларидан фойдаланишда «UZCARD SECURITY REQUIREMENTS» хавфсизлик талабларига риоя қилиши шарт.
6. Унга нисбатан ташкилий-техник текширув ўтказилаётган иштирокчи ўз вақтида ТТ оператори томонидан талаб қилинган маълумотни, шу билан бирга, кўрсатилган текширувга тааллуқли бўлган барча хоналарга ва (ёки) ҳужжатларга фойдаланиш учун рухсатни тақдим этиши шарт. Иштирокчи текширилаётган маълумотнинг тўлиқлигини, аниқлигини ва бутлигини таъминлаши шарт. Иштирокчи тўлиқ ва оператив тарзда ташкилий-техник текширувни ўтказишда ҳамкорлик қилиши, ва ТТ оператори томонидан текширув муносабати билан четдан ташкилот жалб этган тақдирда, ТТ оператори бундай ташкилотларга маълумотни ва ҳужжатларни тақдим этиш (ошкор этиш) ҳуқуқига эга бўлади.
7. Текширув ўтказиш мақсадида ТТ оператори четдан ташкилотни жалб этиши мумкин.
8. Талабларнинг критик бузилишлари аниқланган ҳолда, ТТ оператори иштирокчига нисбатан таъсир кўрсатиш чораларини амалга ошириш ҳуқуқига эга, шу жумладан, бузилишлар тўлиқ бартараф этилгунга қадар мобил/веб иловани ТТ дан узиб ташлашга ҳам.
9. Оператор иштирокчидан бузилишларни бартараф этиш режасини тақдим этишини талаб этишга ҳақли.