Uzum marketpleysi bilan ishlash bo'yicha ko'rsatmalar Uzum Business qanday ishlaydi

#
 
Xaridor mahsulot haqida salbiy sharh qoldirgan bo’lsa nima qilish kerak? 
Mijozning roziligisiz biz sharhni shunchaki bloklay olmaymiz. Shuning uchun, salbiy sharh 
olganingizdan so'ng birinchi navbatda xaridordan Uzum chatida siz bilan bog'lanishni so'rab, unga 
javob berishdir. Agar mijoz aloqaga chiqsa, siz e'tirozlarni tinglash, vaziyatning sabablarini 
tushuntirish va xaridorning yo'qotishlarini qoplash imkoniyatiga ega bo'lasiz. Biz sharhni 
bloklashimiz uchun, siz bizga Uzum mobil ilovasi chatida xaridor o'z sharhini o'chirib tashlashga 
roziligini tasdiqlagan skrinshotlarni yuborishingiz kerak bo'ladi.
Agar xaridor aloqaga chiqmasa, siz biznesni qo'llab-quvvatlash xizmatiga murojaat qilishingiz 
mumkin. Moderatsiya paytida barcha salbiy sharhlar haqiqiyligini tasdiqlash va ularning paydo 
bo'lish sabablarini aniqlash uchun ichki tekshiruvlardan o'tadi. Biznesni qo'llab-quvvatlash xodimi 
sizdagi sharhning moderatsiya natijalarini ko'rib chiqadi va uni mijozlarni qo'llab-quvvatlash 
xizmatiga yuboradi. 
Mijozlarni qo’llab-quvvatlash xizmati xaridor bilan to’g’ridan-to’g’ri bog’lanib, mahsulot sotib 
olayotganda yuzaga kelgan noxush vaziyatni hal qilish bo’yicha Uzum chatida siz bilan 
bog’lanishini so’raydi. Bunday holda ham, faqatgina siz bizga xaridor bilan suhbatda uning sharhini 
olib tashlashga bildirgan roziligining skrinshotini taqdim qilsangiz, uni o'chirib tashlashimiz 
mumkin. 
Muhim: Agar sharh chop etilganiga 14 kundan ko'proq vaqt oʻtgan boʻlsa, uni bloklay 
olmaymiz. 
Sotuvchilar hamda do'konga aloqador shaxslar o'z mahsulotlariga sharhlar qoldirishi 
taqiqlanadi. Mahsulot sifati haqida foydali fikr bildirish o'rniga tovar reytingini oshirish 
maqsadida yaratilgan "qalbaki oshirish" sharhlarning turli sxemalari taqiqlanadi. Bunday 
sharhlar o'chiriladi va sotuvchiga nisbatan esa jarima qo'llanilishi mumkin.