Vaziyatga huquqiy baho bering

IV. Elektron web-saytlar:

4.1. www.lex.uz. O`zbekiston Respublikasi milliy qonunchilik bazasi;

4.2. www.huquqburch.uz.

2-kazus

Yahyoev 2015 yil 22 oktyabr kuni soat 20:30 larda Qoraqamish-1/3 dahasi, 44-uyning orqa tarafida yo‘ldan o‘tib ketayotgan Shuxratov bilan to‘qnashib ketgan. Shunda Shuxratov unga “Ko‘zingga qarab yurmaysanmi?”, deb gapirganida uni to‘xtatib, unga “Eplasang aroq ich, bo‘lmasa uyingda o‘tir ayol kishiga o‘xshab”, deb gapirganida o‘rtada dahanaki janjal kelib chiqadi. Bundan jahli chiqqan Yaxyoev Shuxratovning badanining turli joylariga urib-tepib, uning qo‘lida bo‘lgan bir dona 100 000 so‘mlik sumkasini va uning ichida bo‘lgan jami 4 000 000 so‘mlik ikkita telefon apparatini tortib olib, voqea joyidan yashirinmoqchi bo‘lganida o‘sha hududdan o‘tib ketayotgan yo‘lovchilar tomonidan ushlangan.

Sud-tibbiy ekspertizasining xulosasiga ko‘ra Shuxratovga og‘irlik darajasi bo‘yicha yengil tan jarohati yetkazilgan.

Sud majlisida sudlanuvchi Yahyoev aybiga to‘liq iqrorlik bildirib, o‘sha kuni uyiga qaytib kelayotgan vaqtida, yo‘ldagi spirtli ichimlik sotadigan do‘konga kirib u yerda ikki yuz gramm aroq ichganligini, shu kunlarda ishi yurishmayotganligi sababli jahli chiqib yurganligini, Qoraqamish-1/3 dahasi, 44-uy oldidan o‘tib uyiga kelayotganida Shuxratov bilan o‘zaro janjallashib, uni urganligini, mast bo‘lganligi sababli bo‘lib o‘tgan holatni to‘liq eslay olmasligini, hozirda qilmishidan qattiq pushaymonligini bildirgan.

Vaziyatga huquqiy baho bering, jinoyat tarkibi elementlarini aniqlang. Mastlik holatida jinoyat sodir etish xususida fikr bildiring.

Bizga berilgan kazusga tahliliy va huquqiy yechim berishda xorijiy yuridik ta’lim muassasalarida keng qo`llanib kelinayotgan IRAC (Issues, Rules, Analysis, Conclusion) o`quv tizimidan foydalanish maqsadga muvofiq bo`ladi. Dastavval, muammoli holatlar doirasini belgilab olamiz: