Vitaminlar

Kartoshka: – Kartoshkaman kartoshka, Masalliqman har oshga. Men-chi, sho‘rva joniman,

Kuch-quvvatning koniman.Sabzavotlar o‘zlarini tanishtirib bo‘lganlaridan keyin navbat mevalarga kelibdi.

Nashvati: – Meni derlar nashvati, Mazalarning mazzasi, Sharbatlarning sharbati, Lazzatlarning lazzati.
Olma: – Men sizlarning olmangiz, Xomligimda olmangiz. Ozodjonga o‘xshab so‘ng, “Voy, qornim” deb qolmangiz.
Uzum: – Meni uzumvoy derlar, Tanamdan uzib yerlar. Mazali va quvnoqman, Do‘stlarimga o‘rtoqman.

Shunday qilib meva va sabzavotlar o‘zlarini ta’riflabdilar. Keksa baqlajon ularning hammasi darmon-doriga boy ekanligi va inson organizmi uchun foydali ekanligini aytibdi.



Kichik guruhlarda ishlash:
Bolalar ikki guruhga bo‘linadilar, ularga sabzavot va mevalarning rasmlari aralashtirib, ularni bir-biridan ajratish topshiriladi.
Topshiriqni kichkintoylar a’lo darajada bajaradilar. Tarbiyachi bolalarni rag‘batlantirib, mashg‘ulotni yakunlaydi hamda ularning bilimlarini mustahkamlash uchun savollar beradi.
– Bolajonlar, vitaminlar nima uchun kerak bo‘lar ekan?
– Ularning qanday turlari bor?
– Vitaminlarni iste’mol qilish kerakmi?
Mashg‘ulot davomida faol qatnashgan ishtirokchilar tarbiyachi tomonidan rag‘batlantiriladi va mashg‘ulot yakunlanadi.