Xabar texnologiyalari rawajlaniw tariyxi ha’m a’wladlari. Xabar texnologiyalari qayta islewdin’ arifmetikaliq tiykarlari. Algoritm tu’rleri,qa’siyetleri ha’m beriliw usillari. Jobasi

Algoritmdıń tiykarǵı ózgeshelikleri.
Algoritmdıń 5-ta tiykarǵı ózgesheligi bar:
1. Diskretlilik ;
2. Túsiniklilik;
3. Anıqlıq ;
4. Ǵalabalıq ;
5. Juwmaqlawshılıq.
Algoritmdı súwretlew usılları tómendegishe.
1. Algoritmdıń sózler járdeminde ańlatılıwı ;
2. Algoritmdıń formulalar járdeminde ańlatılıwı ;
3. Algoritmdıń keste járdeminde ańlatılıwı ;
4. Algoritmdıń grafik formada ańlatılıwı ;
5. Algoritmdıń programma formasında ańlatılıwı.
Algoritmlardıń túrli tariypleri bar. Rásmiy tariyplerden biri boyınsha algoritm bul qoyılǵan máseleni birdey sheshiliwine alıp keliwshi anıq háreketlerdiń izbe-izligi. Bul túsinikten algoritmdıń tómendegi ózgeshelikleri kelip shıǵadı : 1. Diskretlilik - yaǵnıy anıqlanıp atırǵan processni qádemba-qádem kórinisi.
2. Ǵalabalıq algoritm uqsas máseleler gruppaın sheshiwi kerek.
3. Túsiniklilik algoritmda beriletuǵın kórsetpeler paydalanıwshına túsinikli bolıp, onıń talaplarına juwap beriwi kerek. 4. Anıqlılıq algoritmda málim tártipte ámellerdi orınlaw názerde tutılıwı kerek hám orınlawshına ámeldegi qádem tamamlanılıwı menen qaysı qádem keyingi bolıp orınlanıwı anıq kórsetiliwi kerek.Algoritmlar rásmiy túrde atqarıladı, bul degeni orınlawshı atqarılıp atırǵan ámellerdi mazmunın ańǵarıw shárt emes. Algoritm dúziw procesine algoritmlastırıw dep ataladı. Algoritm dúziw processinde teoriyalıq hám ámeliy kózqarastan algoritmlaw, programmalastırıw hám EHM larni qóllaw menen baylanıslı bolǵan bilimler kerek. Tiykarǵı maqset bul máseleni qoyıw, máseleniń sheshiw algoritmın dúziw, algoritmı mashina programması kórinisinde ámelge asırıw hám algoritmdı natiyjeliligin kórsetiw máselelerin úyreniw. Bul processler algoritmdı tolıq jaratıw túsinigine alıp keledi hám tómendegi basqıshlardı belgileydi:
1. Máseleniń qoyılıwı. 2. Modeldi jaratıw. 3. Algoritmdı islep shıǵıw. 4. Algoritm tuwrılıǵın tekseriw. 5. Algoritmdı ámelge asırıw. 6. Algoritmdı hám olardıń quramalılıǵın analiz qılıw. 7. Programmanı tekseriw. 8. Hújjetlestiriw.
Másele qoyılıwı
Máseleni sheshiwden aldın, onı beriliwin anıq qáliplestirip alıw zárúr. Bul process tuwrı sorawlardı anıqlaw bolıp, sorawlar tómendegishe bolıwı múmkin:
1. 1. Dáslepki berilgen másele shártlerinde hámme sóz dizbegiler túsiniklime?
1. 2. Ne berilgen?
1. 3. Neni tabıw kerek? 1. 4. Sheshimdi qanday tariyplew kerek?
1. 5. Qaysı berilgenler jetkilikli emes hám hámmesi kerekpe? 1. 6. Qanday múmkinlikler qabıl etilgen?
Álbette, bulardan tısqarı basqa sorawlardı da isletiw múmkin, yamasa ayırım sorawlardı bir neshe márte tákirar isletiwge tuwrı keledi.