Xarakter va temperament

Tadqiqotning dolzarbligi: Birinchi Prezidentimizning Mustaqillik yillarida mamlakatimizda adolatli demokratik jamiyat bunyod etish bosh maqsad qilib belgilandi va bu maqsad sari izchil qadamlar qo’yildi. Bunda inson manfaatlari va haq-huquqlarini to’liq hisobga oladigan, uning asriy orzu-umidlarini ro’yobga chiqaradigan eng adolatli ijtimoiy makon bo’lmish fuqarolik jamiyatini qurish borasida ham muhim natijalarga erishildi. Jamiyatda sog`lom turmush tarzini yanada shakllantirish, aholi salomatligini mustahkamlash, jismoniy sog`lom va ma`naviy boy yosh avlodni tarbiyalash, fuqarolarning jismoniy tarbiya va sport bilan faol shug`ullanishiga keng jalb etilishini ta`minlash mamlakatimizda amalga oshirilayotgan faol islohatchilik siyosatining ustuvor yo’nalishlaridan hisoblanadi. Shaxsning har tomonlama yetuk bo’lishi bugungi globallashayotgan, kishilar tafakkurida o’zgacha qarashlar sodir bo’layotgan murakkab bir davrda o’ta muhim masala hisoblanib, kelajak avlodni ham jismonan ham ma’nan barkamol qilib tarbiyalashni taqozo etadi. Zero Birinchi Prezidentimiz I.A. Karimov aytganlaridek “ Bu har qanday bunyodkorchilik ishi har qanday qurilish, har qanday mehnat uchun zarur bo'lgan sog'lom muhitdir” ¹.
Tadqiqotning maqsadi: Mamlakatimizda sog’lom avlodning shakllanishi, yosh avlodning yurtimizning kelajagi uchun hissa qo’shishi uchun nafaqad har bir rivojlanayotgan shaxs, balki har bir oilaning ahamiyati kuchli. Shuni inobatga olgan holda ushbu kurs ishimiz orqali yoshlarimizga temperament va xarakter borasidagi bilimlarini oshirishni o’z oldimizga maqsad qilib qo’ydik.
Tadqiqotning vazifasi: Rivojlanib kelayotgan yosh avoldning sog’lom va barkamol rivojlanishida ularning temperamenti va xarakteriga e’tibor berilishi, kelajakda ularning mamlakatimizning rivojlanishi uchun hissa qo’shishlarida tayanch vazifani bajarishini hisobga olib ularning psixologik xarakter xususiyatlarini aniqlashni o’z oldimizga vazifa etib belgiladik.
Tadqiqot obyekti: Farg’ona shahrida istiqomat qiluvchi o’smir yoshlarning bir nechtasi kurs ishimizga obyekti qilib olindi.