Xavfsizlik qoidalari

Kuyganda va zaharlanganda beriladigan birinchi yordam

1. Issiqlik ta’sirida kuygan joyga kaliy permanganatning suyuq eritmasi quyish yoki streptotsid emulsiyasi surtish kerak.
2. Kislota ta’sirida kuygan joyni avval yaxshilab suv bilan, so‘ngra esa natriy bikarbonat eritmasi bilan yuvish kerak.
3. Ishqor ta’sirida kuygan joy avval yaxshilab suv bilan, so‘ngra esa sirka kislotaning suyultirilgan eritmasi bilan yuviladi. qattiq ishqorlarni maydalashda, albatta, himoya ko‘zoynagi taqish lozim.
4. O‘yuvchi organik moddalar teriga tushganda terini suv bilan yuvish yordam bermaydi. Bunday holatda terini spirt va benzol bilan tozalab yuvish lozim. Shuni esda tutish kerakki, organik erituvchilar o‘yuvchi va zaharli moddalarning teridan qonga so‘rilishini tezlashtiradi, shuning uchun ham spirt va benzol bilan yuvganda, bu erituvchilardan ko‘proq olib, tozalab yuvish zarur.
5. Teri brom ta’sirida kuyganda, kuygan joyni ko‘p miqdor spirt bilan yuvib, keyin dori surtish kerak.
6. Birinchi yordam berish uchun zarur bo‘lgan barcha dorilar bint, platsir va hokazolar aptechkada bo‘lishi lozim. Aptechkani laboratoriyada ko‘rinib turadigan va olish qulay bo‘lgan joyga o‘rnatish lozim.
7. Kuyganda va zaharlanganda hamma vaqt zarar ko‘rgan kishiga birinchi yordam berilgach, darhol poliklinikaga murojaat qilish kerak.
Kaliy kationining organik reagentlar yordamida sifat analizi. Vino kislota N₂S₄N₄O₆ yoki uning tuzi natriy gidrotartrat NaHC₄H₄O₆ kaliy kationi K+ tuzlari bilan oq mayda kristallik kaliy gidrotartrat cho‘kmasi hosil qiladi.

Konussimon probirkaga 4-5 tomchi K⁺ tuzi eritmasidan tomizilib, shuncha tomchi vino kislotasi yoki natriy gidrotartrat eritmasidan qo‘shiladi. Probirkani ichidagi aralashmasi bilan vodoprovod jo‘mragi ostida suv bilan sovutiladi va probirkaning ichki devori shisha tayoqcha bilan ishqalansa, bir oz vaqtdan keyin oq mayda kristalli cho‘kma hosil bo‘la boshlaydi.
K⁺ kationini bu reagentlar bilan topishsharoitlari:

• 
  eritmada K⁺ ionining konsentratsiyasi yetarli darajada yuqori bo‘lishi kerak;
  
• 
  tajriba sovuqda o‘tkazilishi lozim;
  
• 
  eritma kuchsiz kislotali yoki neytral (rN = 4-7) bo‘lishi kerak.