XiMiYa kabinetine qoyilatuǵin talaplar

XiMiYa KABiNETiNDEGi OT ÓShiRiW QURALLARI
Ximiya kabinetinde barlıq waqitta vodoprovod hám kanalizaciya islep turiwi, eger de vodoprovod bolmasa, metall baklarda suw saqlaniwi zárúr, sebebi suw eń tiykarǵi ot óshiriwshi qural bolıp esaplanadi. Kabinette hár dayim: OVP-5, OP-5, OP- 3, OP-8 hám OU-2 órt óshiriw quralları bolıwı shárt.
Órt óshiriw quralları diywalda poldan 1,5 m bálentlikke asip qoyilıwı hám hár ayda bir márte ot óshiriw plombaları tekserilıp turilıwı kerek.
Órt óshiriw ushın ximiya kabinetinde qumli yashik, bel, kiyiz, asbestli odeyalo bolıwı kerek.
Keyingi waqitlarda órt óshiriwshi poroshoklardan paydalaniw ádetke aylanǵan. Buniń ushın arnawli qutishalar tayarlanıp, olarda K₂CO₃, KAl(SO₄)₂ x 12H₂O, Na₂CO₃ qumǵa qaraǵanda órt óshiriw effekti joqarı bolǵan poroshoklar saqlanadi. Bul zatlar joqan temperaturada bóleklenip, kóp muǵdarda inert gazlardı ajiratıp shiǵaradi hám soniń ushın da olardıń ot óshiriw effekti joqarı boladı.
X i M i Ya KAB i NET i LABORATOR i YaSINDA PAYDA BOLATUǴIN ÓRT TURLERi HÁM OLARDI ÓShiRiW USILLARI
Ańsat alisiwshi suyiqlıqlar órtin óshiriw. Bul suyiqlıqlar janǵanda, olar órt óshiriw quralları járdeminde óshiriledi. Bunda órt óshiriw aǵimınıń baǵdari 35- 40^O muyesh boylap, eń shetki tárepten jiberiledi. Bul jol menen suyiqlıqtiń órteniwi qáwpine shek qoyiladı.
Ańsat alisiwshi suyiqlıqlardı óshiriwde suwdan paydalanilmaydi.
Laboratoriya stolındaǵı órtti óshiriw. Bunday jaǵdayda stoldaǵı janıwshı dereklerden bolǵan gorelkasi, spirt lampasi, elektr plitkaları, ańsat alisiwshi suyiqlıqlar salınǵan ıdıslardı hám basqa nárselerdi stol ústinen alıp taslaǵannan soń órt ústine kiyiz, shalsha jabiw, qum sebiw yamasa ot óshiriw quralınan paydalaniw siyaqli ámeller iske asiriladı.
Morili shkaftaǵi órtti óshiriw. Morili shkafta órt baslaniwi menen-aq dárhál ventilyaciya kanalınıń qaqpaǵin bekitiw hám ventilyatordi óshiriw kerek boladı. Ventilyator hámde shkaf tómenindegi ańsat alisiwshi hám janıwshı suyiqlıqlar alıp taslanadi. Sonnan keyin kiyiz jabiw, qum sebiw, ot óshiriw quralınan paydalaniw zárúr.
Elektr qurilmalarındaǵı órtti óshiriw. Bunday jaǵdayda elektr qurilmasındaǵı tokti úzip taslap, órtti suw, kóbik hám poroshoklar menen óshiriledi. Eger tokti úzip taslawdiń iláji bolmasa, OU hám «Sputnik» ot óshiriw qurallarınan, qum hám poroshoklardan paydalaniw múmkin.
Adam kiyimi ot alǵanda oni óshiriw. Eger kiyim jansa, juwirmaw kerek. Kiyimniń bir bólimi ot alsa, oni jirtip alıp tómende óshiriw kerek. Eger de kiyimniń kóbirek bólimi ot alǵan bolsa, ol adamdi odeyalǵa yamasa basqa kiyimlerge orap otti óshiriw múmkin. Sonday-aq kiyimi ot alǵan kisige kózin jumip turiwin iltimas etip, oniń ústine suw yamasa ot óshiriwshi kóbik quyiladı.
Laboratoriyada órt kelıp shiqsa tómendegilerge ámel qiliw kerek:

1. 
   Laboratoriyada órt kelıp shiqsa shólkemleskenlik penen dárhal tez ot aliwshi hám partlawshi zatlardı qáwipsiz jayǵa kóshiriw kerek.
   
2. 
   Órt payda bolǵannan dárhal órt óshiriw organlarına xabar berip, olar kelemen degenshe qol astındaǵı órt óshiriw qurallarınan paydalanıp turiw kerek.
   
3. 
   Elektr togi shitten hám gaz jetkerip beriwshi truba sirttan óshirilıwı kerek.
   
4. 
   Oqiwshilardı dárhal sirtqa alıp shiǵiw kerek. Olardı órtti óshiriw jumıslarına qatnastirmaw kerek.
   
5. 
   Órt óiirilgennen soń, oniń kelıp shiǵiw sebeplerin anıqlaw kerek.