XiMiYa kabinetine qoyilatuǵin talaplar

XiMiYa KABiNETiNE QOYILATUǴIN TALAPLAR
Mektep ximiya kabineti eki xanadan: klass-laboratoriya hám laborant xanasinan (preparat xanasi) ibarat bolıwı kerek.
Ximiya kabineti xanasınıń maydani 66 m , laborant xanasınıń maydani 15 m tan kem bolmawi, al xana biyikligi bolsa 3,3 m bolıwı kerek. Kabinettegi vodoprovod, kanalizaciya, elektr kózleri, soriwshi shkaf h.t.b. oqitiwshi hám oqiwshilardıń jumıs orinlarınıń jaylasiwina sáykes qurilıwı kerek.
Orta uliwma bilim beriw mektepleri nizamina hám «qáwipsizlik texnikasi qaǵiydaları» boyinsha ximiya kabinetleri mektep binasınıń joqarı qabatlarındaǵı xanalarǵa jaylasiwi kerek.
Ximiya kabinetindegi temperatura 16°С dan pás hám 20°С dan joqarı bolmawi hám iǵallıq 30-60 % bolıwı zárúr. Xana temperaturasınıń 28°С tan artiwi normal aqiliy háreketti qiyinlastiradi. Xananiń taza hawa menen támiyinleniwınıń tiykarǵi deregi morili shkaf bolıp esaplanadi. Hawani soriw hám shiǵariw ventilyatori bar morili shkaflar bolǵan kabinetlerde hawa bárha taza boladı.
Ximiya kabineti to ’mendegi úsh túrli talapqa juwap beriwi kerek:

• 
  metodikalıq;
  
• 
  miynet gigienasi hám qáwipsizligi;
  
• 
  texnikalıq;
  

Metodikalıq talaplarlarǵa ximiyani oqitiw procesinde oqiwshilardıń bilimin rawajlandiriw hám tárbiyalaw ushın sharayat jaratıp beriw kiredi.
Qáwipsizlik hám miynet gigienasi talaplarına miynetti qorǵaw, mektep gigienasi hám ximiyalıq eksperiment texnikasi qáwipsizligi ushın sharayat jaratıp beriw kiredi.
Texnikalıq talaplarǵa ilimiy-texnikalıq progresstiń jetiskenlikleri tiykarında oqiw úskenelerine qoyilatuǵin anıq talaplar kiredi.
Oqiwshilarǵa kórgizbeli sabaq ótiwde hám tájiriybeler kórsetiw ushın demonstraciyalıq stol zárúr. Demonstraciyalıq stoldiń uzinliǵi 2,5 metr hám eni 0,80-0,85 m bolıwı kerek. Demonstraciyalıq stoldiń bir tárepinde tegis túpli rakovina ornalastirilıwı kerek.
Hár bir qatardaǵı oqiwshilardıń laboratoriya stollarınıń araliǵi 0,70-0,75 metr bolıwı kerek. Aldińǵi laboratoriya stoli menen demonstraciyalıq stol araliǵi 80 sm bolıwı kerek. Sońǵi qatardaǵı oqiwshınıń orrn menen taxtaniń arasındaǵı aralıq 10 metrden artip ketpewi kerek. Laboratoriya stollarınıń demonstraciyalıq stolǵa qaraǵan tárepinde 10 sm biyiklikte jaǵa bolıwı shárt. Bunday jaǵalar qorǵaw waziypasin atqariw menen birge, bul jerde reaktiv hám ásbap-úskeneler jaylastiriwdi ańsatlastiradi. Demonstraciyalıq stol menen oqiwshilar stoli jaqin jaylasqan ximiya kabinetlerinde qáwipsizlik texnikasi qaǵiydalarına ámel qiliw ushın qorǵawshi ekran ornatıw maqsetke muwapiq boladı.
Ximiya kabinetlerinde órt óshiriwshi úskeneler, qum salınǵan shelek, asbestten yamasa júnnen tayarlanǵan odeyalo bolıwı kerek.
Jeke qorǵaniw zatlarınan aptechka, rezina qolǵap, xalat, qorǵawshi kóz áynek, respirator h.t.b. usiǵan uqsaǵan qorǵawshi úskenelerdiń bolıwı zárúr.
Ximiya kabinetlerinde klass taxtasi, magnit taxtasi, tablicalardı qistirip qoyıwshi úskene, ekranda kórsetiletuǵin qollanbalardı demonstraciya qiliw ushın apparaturalar, ekran, jiyi qollanilatuǵin tablicalar (misalı, D.I. Mendeleevtiń ximiyalıq elementler periodlıq sistemasınıń tablicasi, kernewliliktiń elektroximiyalıq qatari h.t.b. tablicalar) bolıwı kerek.
Laborant xanasında oqitiwshınıń sabaqqa tayarlaniwi ushın jaziw stoli bolıwı kerek. Metodikalıq ádebiyatlar, didaktikalıq materiallar hám oqiw úskenelerınıń kartotekaları h.t.b. qollanbalar ushın orin bolıwı kerek. Sonday-aq laborant xanasında ıdıslardı qurǵatıwshi shkaf, distillyator hám kabinettegi uliwma tokti óshiriw ushın apparat ornatıladı.
Laborant xanasında tájiriybe hám ámeliy jumıslarǵa tayarlıq kóriledi, hár qiyli eritpeler tayarlanadi, ximiyalıq ıdıslar juwiladı, kanalizaciyaǵa tógiwge bolmaytuǵin qaldiqlardı ziyansizlandiriw jumısları ámelge asiriladı.
Ximiya kabinetinde ximiyaǵa baylanisli bolmaǵan oqiw sabaqların, klasstan tis keshelerdi ótkeriwge bolmaydi.