XiMiYa kabinetine qoyilatuǵin talaplar

Zattiń atı Koncentraciyasi

Download 0.57 Mb. bet 5/17 Sana 28.12.2022 Hajmi 0.57 Mb. #1013141

Bog'liq
XiMiYa KABiNETiNE QOYILATUǴIN TALAPLAR

Bu sahifa navigatsiya:

• Koncentraciyasi
• Sinap

Zattiń atı	Koncentraciyasi, mg.dm3	Zattiń atı
Koncentraciyasi, mg.dm3
Anilin	0,003	Sinap	0,00001
Ammiak	0,02	H2SO4	0,001
Aceton	0,2	Qorǵasin	0,005
Benzin	0,3	Vodorod sul’fid	0,01
Kerosin	0,3	Metil spirti	0,05
Ligroin	0,3	Fenol	0,005
Benzol	0,2	Fosgen	0,0005
Azot oksidleri	0,005	Xlor	0,001
Dixloretan	0,001	Etil efiri	0,00001

Hár qanday janıwshı gaz haqqında tómendegilerdi este saqlaw kerek:

1. 
   Gaz ótkeriwshi trubka janında ot bolmawi kerek.
   
2. 
   Gazdi jiynawdan aldin tazaliǵin sinap kóriw zárúr. Vodorod hám janıwshı basqa gazlar, puwlardıń tazaliǵin probirka járdeminde sinap kórmey turip, oǵan shirpi jaǵiw múmkin emes.
   
3. 
   Janıwshı gazlar hám janıwshı suyiqlıq puwları menen tájiriybe ótkeriw ushın ásbaplardı jiynap tayarlawda sirtina mis sim qaplanǵan qorǵawshi trubkadan paydalaniw kerek. Tájiriybe ushın acetilen alınatuǵin bolsa temir sim tor aliw kerek.
   
4. 
   Vodorod yaki acetilen aliw ushın gazometrden paydalanbaw kerek.
   
5. 
   Gazlardı tazalaw usillann puxta úyrenip soń iske kirisiw zárúr.
   
6. 
   Aldin paydalanǵan gazometrge gaz jiynawdan aldin, oniń ishindegi suwdiń hámmesin tógip taslap, taza suw quyiw kerek. Sebebi gazometrge dáslep salınǵan suwda gaz biraz erigen bolıwı hám gazlardıń káwipli aralaspasi payda bolıwı múmkin.
   

Hár qanday jol qoyilǵan kishkene qáteliktiń ózi úlken kewilsiz aqibetlerge sebep bolıwı múmkin.
Ximiya kabinetlerinde gazdiń iyisi sezilse, oqiwshilardı dárhal sirtqa alıp shiǵip, gaz shiǵip atırǵan jerdi tawiw kerek hám qáwipsizlik sharaların (elektr ásbapların qospaw, óshiriw, xanani shamallatıw h.t.b.) qollaniw zárúr. Qáwipsizlik boyinsha qánige shaqirilıp, kemshilikler saplastirilıwı kerek.
Mektep ximiya kabinetlerinde kóbinese gaz gorelkaları menen jumıs islewge tuwra keledi. Bunda Bunzen hám Teklyu gorelkalarınan paydalaniladı.
Gaz gorelkaları menen jumıs islegende tómendegi qaǵiydalarǵa ámel qiliw kerek:

1. 
   Gorelkani jaǵiw ushın dáslep kran ashiladı, soń biraz kútip shirpi jaǵiladı. Sebebi, dáslep gaz aǵimi tútikshedegi hawani qisip shiǵariw kerek.
   
2. 
   Gazdiń iyisi shiqsa gaz ótkeriwshi shlanga yamasa trubkalardıń tesik emesligi tekserilıp kórilıwı kerek.
   
3. 
   Gazdiń janiwin normallastiriw ushın tómendegi hawa keletuǵin gorelka tesikshesin burap, reńsiz jalınniń bolıwın támiyinlew kerek.
   
4. 
   Gorelkani óshiriw ushın krandi keri tárepke aqirina shekem buraw kerek.
   
5. 
   Gazdiń iyisi bar jerde elektr ásbapların iske qospaw, óshiriw kerek. Ximiya kabinetlerinde uliwma shilim shegiw qadaǵan etiledi.
   

Tájiriybe ótkeriw dáwirinde ajiralıp shiǵatuǵin gazlardan záhárlenip qalmaslıq ushın tómendegi qaǵiydalardı este saqlaw kerek:

1. 
   Tájiriybe morili shkafta orinlaniwi kerek.
   
2. 
   Morili shkaftiń islew-islemewin tekserip kóriw kerek.
   
3. 
   Tájiriybe ótkerilıp atırǵan morili shkafqa basınıńizdi tiǵip kóriw qadaǵan etiledi.
   
4. 
   Tájiriybe ótkeriletuǵin xanada protivogaz bolıwı kerek.
   
5. 
   Ishinde záhárli gazi bar ásbaplardı bóleklerge ajiratıw morili shkaf ishinde ámelge asiriladı. Bunda gaz ıdısqa suw quyiw joli menen iǵistirilıp shiǵariladı.
   
6. 
   Xlor, brom hám basqa záhárli gazlar menen jumıs islewdi protivogaz kiyip onnlaw kerek.
   

Xlor menen islegende tómendegi qáwipsizlik qaǵiydalarına boysiniw kerek:

1. 
   Xlor aliw ushın qanday da bir oksidlewshige koncentrlengen vodrod xloridi tásir ettiriledi, abaysizlıq qilıp vodorod xlorid ornina hesh waqitta sul’fat kislotasin paydalanbań, sebebi kúshli partlaw júz beredi.
   
2. 
   Tolıp turǵan ıdıstaǵi xlordi tuwridan-tuwri iyiskelemeń. Hlor gazi menen záhárlenip qalǵanda, oramaldi ammiaktiń 10%li eritpesi hám spirttiń 96% li eritpesinen ibarat aralaspa menen hóllep alıp iyiskelew kerek.
   
3. 
   Tájiriybe ótkeriletuǵin ásbaplardıń germetikligin tekserip sinap kóriw lazim
   
4. 
   Xlor gazi ásbaplardıń hesh jerinen shiqpawi kerek.
   
5. 
   Xlor aliwda artiqsha xlordi silti eritpesine juttiriw kerek.
   

Download 0.57 Mb.

Do'stlaringiz bilan baham:

---

Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling