Y3000 ta buxgalteriya O‘tkazmasi hisobvaraqlar rejasi bo‘yicha bog‘lanishlar* Muqaddima I bob. Buxgalteriya hisobi hisobvaraqlar rejasining umumiy tavsifi

Asosiy faoliyatning boshqa daromadlarini hisobga
oluvchi schyotlarning (9300) bog‘lanishi

Mazkur guruh schyotlari asosiy faoliyatning boshqa daromadlari to‘g‘risidagi axborotni umumlashtirish uchun mo‘ljallangan.

Hisob quyidagi schyotlarda amalga oshiriladi:
9310 "Asosiy vositalarning chiqib ketishidan foyda";
9320 "Boshqa aktivlarning chiqib ketishidan foyda";
9330 "Undirilgan jarima, penya va neustoykalar";
9340 "O‘tgan yillar foydalari";
9350 "Operativ ijaradan daromadlar";
9360 "Kreditor va deponent qarzlarni hisobdan chiqarishdan daromadlar";
9370 "Xizmat ko‘rsatuvchi xo‘jaliklar daromadlari";
9380 "Tekin moliyaviy yordam";
9390 "Boshqa operatsion daromadlar".
Hisobot davri davomida ushbu schyotlarning krediti bo‘yicha asosiy faoliyatdan boshqa daromadlar pul mablag‘larini hisobga oluvchi schyotlar, debitorlik va kreditorlik qarzlarini, asosiy vositalar chiqib ketishi va boshqa aktivlar chiqib ketishini hisobga oluvchi schyotlar bilan bog‘langan holda aks ettiriladi.
Har bir hisobot davrining oxirida ushbu schyotlar bo‘yicha aylanmalarning umumiy summasiga quyidagi yakuniy o‘tkazma beriladi:
Debet 9310-9390 "Asosiy faoliyatning boshqa daromadlarini hisobga oluvchi schyotlar"
Kredit 9910 "Yakuniy moliyaviy natija".

T/r	Xo‘jalik operatsiyasining mazmuni	Bog‘lanuvchi schyotlar		Yozuvlarni tasdiqlovchi hujjatlar
		debet	kredit
1	Asosiy vositalar sotilishidan va boshqa chiqib ketishidan olingan foyda aks ettirilgan	9210	9310	Buxgalteriyaning hisob-kitobi
2	Boshqa aktivlar sotilishidan va boshqa chiqib ketishidan olingan foyda aks ettirilgan	9220	9320	Buxgalteriyaning hisob-kitobi
3	Shartnomaviy majburiyatlarga rioya qilmaganligi uchun boshqa korxonalarga taqdim etilgan jarima, penya va neustoykalar summasi aks ettirilgan (tan olingan yoki hukm qilingan)	4860	9330	Xo‘jalik sudining qarori, inkasso talabnomasi
4	Oldingi yillar operatsiyalari bo‘yicha xaridorlar bilan o‘zaro hisob-kitoblar aks ettirilgan	4010-4890	9340	O‘zaro hisob-kitoblar bo‘yicha solishtirma dalolatnoma
5	Oldingi yillarda xodimlar tomonidan olingan va sarf-xarajat qilingan xizmatlar va moddiy qiymatliklar uchun qayta hisob-kitoblar bo‘yicha debitorlik qarzi summalari aks ettirilgan	4710-4790	9340	Kirim kassa orderi
6	Operativ ijara bo‘yicha ijara to‘lovi hisoblangan	4820	9350	Ijara shartnomasi, hisobvaraq-faktura
7	Da’vo muddati o‘tib ketganligi sababli kreditorlik qarzi hisobdan chiqarilganligidan olingan daromad aks ettirilgan	6010-6990	9360	O‘zaro hisob-kitoblar solishtirma dalolatnomasi
8	Ilgari hisobdan chiqarilgan debitorlik qarzlaridan olingan daromadlar aks ettirilgan	4010-4890	9360	Inventarlash komissiyasining dalolatnomasi, o‘zaro hisob-kitoblar solishtirma dalolatnomasi
9	Xizmat ko‘rsatuvchi xo‘jaliklardan daromad olingan	4890, 5010, 5110	9370	Kirim kassa orderi, hisobvaraq-faktura, chipta
10	Tekinga moliyaviy yordam olingan	5010, 5110	9380	Tekinga yordam shartnomasi, kirim kassa orderi, bank hisob-kitob schyotidan ko‘chirma
11	Inventarlash paytida aniqlangan ortiqcha asosiy vositalar kirim qilingan	0110-0190	9390	Inventarlash komissiyasining dalolatnomasi, solishtirma qaydnoma
12	Inventarlash paytida aniqlangan ortiqcha nomoddiy aktivlar kirim qilingan	0410-0490	9390	Inventarlash komissiyasining dalolatnomasi, solishtirma qaydnoma
13	Inventarlash paytida aniqlangan ortiqcha qimmatli qog‘ozlar kirim qilingan	0610	9390	Inventarlash komissiyasining dalolatnomasi, solishtirma qaydnoma
14	Inventarlash paytida aniqlangan kapital qurilish ortiqchasi kirim qilingan	0810-0890	9390	Inventarlash komissiyasining dalolatnomasi, solishtirma qaydnoma
15	Inventarlash paytida aniqlangan ortiqcha materiallar kirim qilingan	1010-1090	9390	Inventarlash komissiyasining dalolatnomasi, solishtirma qaydnoma
16	Inventarlash paytida aniqlangan ortiqcha o‘stirishdagi va bo‘rdoqiga boquvdagi hayvonlar kirim qilingan	1110, 1120	9390	Inventarlash komissiyasining dalolatnomasi, solishtirma qaydnoma
17	Asosiy va yordamchi sexlarda, xizmat ko‘rsatuvchi ishlab chiqarishlarda va xo‘jaliklarda tugallanmagan ishlab chiqarish ortiqchasi, umumishlab chiqarish omborlarida, xizmat ko‘rsatuvchi xo‘jaliklarda ortiqcha materiallar kirim qilingan (kamomaddan ortiq summada)	2010, 2310, 2510, 2710	9390	Inventarlash komissiyasining dalolatnomasi, solishtirma qaydnoma
18	Inventarlash paytida aniqlangan ortiqcha tovarlar kirim qilingan	2910-2990	9390	Inventarlash komissiyasining dalolatnomasi, solishtirma qaydnoma
19	Kassani inventarlash paytida aniqlangan ortiqcha pul mablag‘lari kirim qilingan	5010	9390	Inventarlash komissiyasining dalolatnomasi, solishtirma qaydnoma
20	Aylanmadagi mablag‘larga taalluqli tovar-moddiy qiymatliklarning oshirilgan baho summalari moliyaviy natijaga hisobdan chiqarilgan	6230	9390	Tovar-moddiy qiymatliklarni qayta baholash dalolatnomasi
21	Mol-mulk sug‘urtasi bo‘yicha sug‘urta idoralaridan olinadigan sug‘urta to‘lovlari aks ettirilgan	4510	9390	Sug‘urta to‘lovlari qayd etilgan sug‘urta holatlari bo‘yicha bildirgi
22	Sug‘urta kompaniyalaridan hisob-kitob schyotiga qoplash summalari kelib tushgan	5110	9390	Bank hisob-kitob schyotidan ko‘chirma, sug‘urta to‘lovlari qayd etilgan sug‘urta holatlari bo‘yicha bildirgi
23	Sug‘urta kompaniyalaridan valyuta hisob-kitob schyotiga qoplash summalari kelib tushgan	5210, 5220	9390	Bank valyuta hisob-kitob schyotidan ko‘chirma, sug‘urta to‘lovlari qayd etilgan sug‘urta holatlari bo‘yicha bildirgi
24	Sug‘urta kompaniyalaridan bankdagi maxsus hisob-kitob schyotiga qoplash summalari kelib tushgan	5530	9390	Bank maxsus hisob-kitob schyotidan ko‘chirma, sug‘urta to‘lovlari qayd etilgan sug‘urta holatlari bo‘yicha bildirgi
25	Dargumon qarzlar bo‘yicha ishlatilmagan rezervlar summalarining ular tashkil etilgan yildan keyingi yil foydasiga kiritilishi aks ettirilgan	4910	9390	Schyotni inventarlash va tahlili
26	Hisobot davrining oxirida asosiy faoliyatning boshqa daromadlarini hisobga oluvchi schyotlarda aniqlangan kredit aylanmalarining yig‘indisi 9910 "Yakuniy moliyaviy natija" schyotiga hisobdan chiqarilgan	9310, 9320, 9330, 9340, 9350, 9360, 9370, 9380, 9390	9910	Buxgalteriyaning hisob-kitob ma’lumotnomasi