“yangi hayot uchun, yangi o‘zbekiston uchun!”

“YANGI HAYOT UCHUN, YANGI O‘ZBEKISTON UCHUN!”
IMTI
2023 yil 27 iyul kuni O‘zbekiston Respublikasi Prezidenti Shavkat 
Mirziyoyev tomonidan “O‘zbekiston Respublikasi davlat mustaqilligining o‘ttiz 
ikki yillik bayramiga tayyorgarlik ko‘rish va uni o‘tkazish to‘g‘risida”gi Qarori 
e’lon qilindi. 
Mazkur qarorga ko‘ra, O‘zbekiston Respublikasi davlat mustaqilligining o‘ttiz 
ikki yillik bayramini “YANGI HAYOT UCHUN, YANGI O‘ZBEKISTON 
UCHUN!” degan bosh g‘oyani o‘zida mujassam etgan tashkiliy-amaliy, ma’naviy-
ma’rifiy tadbirlar hamda targ‘ibot-tashviqot ishlari o‘zida aks ettirgan alohida 
Dastur asosida o‘tkazilishi belgilandi. 
Darhaqiqat, mamlakatimiz mustaqilligining 32 yilligini katta tantana sifatida 
nishonlandi. Shuningdek, 2023-yil tarix zarvaraqlariga alohida qayt etiladigan yil 
bo‘ldi, desak mubolag‘a bo‘lmaydi. 
Chunki, O‘zbekiston Respublikasida 2023-yil 30-aprelda o‘tkazilgan 
umumxalq referendumi asosida “O‘zbekiston Respublikasi Konstitutsiyasi 
to‘g‘risida”gi O‘zbekiston Respublikasi Konstitutsiyaviy qonuni 2023-yil
1- maydan e’tiboran kuchga kirdi hamda mana shu qabul qilingan Qonun asosida 
2023- yil 9- iyul kuni muddatidan ilgari O‘zbekiston Respublikasi Prezidenti saylovi 
o‘tkazildi.
Bugun mamlakatimiz yangi davr ostonasida turibdi. Ya’ni, o‘ttiz ikki yildan 
ziyod vaqt mobaynida mustaqil O‘zbekiston davlatimizning huquqiy asosini 
ta’minlab kelgan, bugungi farovon hayotimiz uchun mustahkam omil bo‘lgan 
Konstitutsiyamizni yangi davr ruhiga monand yangi tahrirda qabul qildik.
Yangilanayotgan O‘zbekistonda o‘tgan davr mobaynida ta’lim-tarbiya sohasini 
tubdan isloh etish maqsadida bir qator islohatlar amalga oshirilib kelinmoqda. 
Farzandlarimizning har tomonlama barkamol shaxs etib tarbiyalashda sifatli ta’lim-
tarbiyaning o‘rni muhim ahamiyat kasb etadi. Ayniqsa, o‘tgan qisqa davr mobaynida 
maktabgacha va maktab ta’limi, oliy va o‘rta maxsus ta’lim tizimida muhim 
o‘zgarishlar amalga oshirildi. “Yangi O‘zbekiston – maktab ostonasidan boshlanadi” 
degan shior asosida maktab ta’limini rivojlantirish umumxalq harakatiga aylandi.

---