Янги таҳрирдаги Конституциянинг фуқаролар учун энг аҳамиятли қоидалари бўйича шарҳлар

биринчидан, давлатнинг оммавий ахборот воситалари ҳуқуқлари амалга оширилишини кафолатлаши ОАВнинг ахборотни излаш, олиш, фойдаланиш ва уни тарқатиш ҳуқуқининг кафолатланиши жамиятнинг ишончли ахборотга бўлган эҳтиёжларини тўлароқ қондиришга хизмат қилади;
иккинчидан, ОАВ фаолиятига тўсқинлик қилиш ёки аралашиш қонунга мувофиқ жавобгарликка сабаб бўлишини белгилаш журналистларнинг эркин, турли маъмурий босимлардан қўрқмасдан фаолият юритишини таъминлайди.
Конституциямизга киритилаётган ушбу нормалар мамлакатимизда ахборот эркинлигини янада юксалишига, ОАВ вакилларининг масъулиятини янада ошириб, улар томонидан кўрсатилаётган ахборот хизматларнинг сифати ошишига ҳамда жамиятда очиқлик ва ошкоралик, қонунийлик муҳитини мустаҳкамлашга хизмат қилади. Пировардида, давлат ва жамият ўртасидаги мулоқотни мустаҳкамлашга, кучли жамоатчилик назоратини йўлга қўйишга ва сўз эркинлигини таъминлашга эришилади.

50. 
    Ўзбекистон Республикасининг сайлов ҳуқуқига эга бўлган, юз минг нафардан кам бўлмаган фуқаролари, Ўзбекистон Республикаси Олий Мажлисининг Сенати, Ўзбекистон Республикаси Олий Мажлисининг Инсон ҳуқуқлари бўйича вакили (омбудсман), Ўзбекистон Республикаси Марказий сайлов комиссияси қонунчилик таклифларини қонунчилик ташаббуси тартибида Ўзбекистон Республикаси Олий Мажлисининг Қонунчилик палатасига киритишга ҳақли (98-модда).
    

Демократик давлатда фуқароларнинг давлат ишларини бошқаришдаги иштирокини кенгайтиришда қонун ижодкорлиги муҳим аҳамиятга эга. Мазкур институт ривожланган демократик давлатларнинг илғор тажрибасида муваффақиятли қўлланилмоқда ҳамда миллий қонунчиликда жуда катта демократик ижобий янгилик ҳисобланади. Хорижий мамлакатлар тажрибасида фуқароларнинг қонунчилик ташаббуси ҳуқуқи Австрия, Испания, Италия, Швейцария ва бошқа бир қатор мамлакатлар конституцияларида назарда тутилган.
Фуқароларнинг қонунчиликка оид таклифлари билан парламентга мурожаат қилиш институтини конституциявий даражада мустаҳкамлаш биринчидан, давлат ишларини бошқаришда фуқароларнинг иштирокини кенгайтириш, халқнинг бевосита қонун ижодкори сифатида қонун ҳужжатларини такомиллаштириш орқали тизимли муаммоларни ҳал этишига олиб келади, иккинчидан, ўзларига тегишли конституциявий ҳуқуқлар билан боғлиқ турли ижтимоий-иқтисодий масалаларни ҳал этишга, энг муҳими ислоҳотлар ташаббускори сифатида инсонлар ўзларининг келажаги, орзу-мақсадларини рўёбга чиқариш учун муҳим қарорлар қабул қилишда тўғридан-тўғри иштирок этишларига ҳамда жамиятдаги муаммоларни ўз вақтида ҳал этишга хизмат қилади.

51.