Yer fondi toifasining huquqiy holati tushunchasi

Sanoat maqsadlariga mo‘ljallangan yerlar tushunchasi.
Sanoat maqsadlariga mo’ljallangan yerlar jumlasiga sanoat korxonalariga, shu jumladan kon sanoati, energetika korxonalariga ishlab chiqarish va yordamchi binolar hamda inshootlar qurish uchun doimiy foydalanishga berilgan yerlar kiradi.
Саноат объектларини жойлаштиришда, яъни у ёки бу ер участкасида саноат объектини қуриш тўғрисида қарор қабул қилишда ер участкасининг қуйидаги хусусиятлари юридик аҳамият касб этади:
1) саноат объектининг ҳудудий базиси функциясини бажариш учун мазкур ер участкасининг яроқлилигини таъминловчи табиий хоссаларининг (рельеф, грунтнинг мустаҳкамлиги, сейсмик жиҳатдан барқарорлиги) мавжудлиги;
2) ушбу ер участкасини муҳофаза этиладиган табиий ҳудудлар ва алоҳида қимматга эга унумдор ерлар тоифасига киритиш имкониятини берувчи хусусиятларнинг мавжуд эмаслиги.
Саноат мақсадларига мўлжалланган ерларнинг юридик аҳамиятга эга бўлган белгилари сифатида қуйидагиларни кўрсатиб ўтишимиз мумкин:
– аҳоли пунктлари чегараларидан ташқарида жойлашиши;
– ер участкасини нафақат саноат объектларидан фойдаланиш, балки саноат ва бошқа мақсадларига мўлжалланган ерлардан фойдаланиш мақсадига зид бўлмаган бошқа мақсадларда ҳам фойдаланиш имкониятининг мавжудлиги;
– шаҳарсозлик қоидаларига мувофиқ, ер участкасидан фойдаланишнинг рухсат берилган турларини ўзгартириш имкониятининг мавжудлиги;
– ушбу ер фонди тоифасига мансуб участкаларнинг фақатгина ишлаб чиқариш саноат фаолиятини амалга оширувчи юридик шахсларга тегишлилиги.