Yetim bolalar va ota-onasining yoki boshqa qonuniy vakillarining qaramog‘idan mahrum bo‘lgan bolalarning ijtimoiy himoyasini yanada kuchaytirish chora-tadbirlari to‘g‘risida

(8-bandning birinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Tuman (shahar) hokimining qarori o‘quvchi (talaba)ning to‘liq davlat ta’minotida bo‘lgan bolalar toifasiga kirishiga asos hisoblanadi.
Ushbu toifadagi o‘quvchi (talaba)larga ta’lim muassasasini bitirayotganda O‘zbekiston Respublikasi Davlat budjetidan (keyingi o‘rinlarda — budjet) berilishi belgilangan bir yo‘la to‘lanadigan bitiruv nafaqasi berilmaydi.
Oldingi tahrirga qarang.
8¹. Yetim bolalar va ota-ona qaramog‘idan mahrum bo‘lgan bolalarga ular ta’lim muassasalarida o‘qiyotgan davrida har o‘quv yilida bir marotaba o‘quv, ilmiy va badiiy adabiyotlar (kitoblar) xarid qilish xarajatlari uchun Davlat budjeti mablag‘lari hisobidan bazaviy hisoblash miqdorining 5 baravari miqdorida subsidiyalar ajratiladi.
(8¹-band Vazirlar Mahkamasining 2021-yil 25-oktabrdagi 656-sonli qaroriga asosan kiritilgan — Qonunchilik ma’lumotlari milliy bazasi, 26.10.2021-y., 09/21/656/0996-son)
2-bob. O‘quvchi (talaba)larga pul nafaqalari hamda oziq-ovqat mahsulotlari, kiyim-bosh, poyabzal va boshqa buyumlar, shuningdek transportda yurish kartochkalari berish masalasini ko‘rib chiqish tartibi
9. Ta’lim muassasasida o‘quvchi (talaba)larga pul nafaqalari hamda oziq-ovqat mahsulotlari, kiyim-bosh, poyabzal va boshqa buyumlar (keyingi o‘rinlarda — ijtimoiy ta’minot yordami), shuningdek, transportda yurish kartochkalari hamda bitiruv nafaqasini berish yuzasidan murojaatlarni o‘rganish bo‘yicha doimiy faoliyat yurituvchi ishchi guruh (keyingi o‘rinlarda — ishchi guruh) tuziladi.
10. Ishchi guruh tarkibiga muassasaning tegishli xodimlari kiritiladi va muassasa rahbari tomonidan tasdiqlanadi.
Ishchi guruh kamida yetti kishidan iborat quyidagi tarkibda tuziladi:
ishchi guruh rahbari — muassasa rahbari;
ishchi guruhning mas’ul kotibi — muassasa rahbarining ma’naviy-ma’rifiy ishlar bo‘yicha o‘rinbosari;
muassasa yuriskonsulti;
muassasa buxgalteri;
to‘liq davlat ta’minotida bo‘lgan bolaning guruh rahbari yoki murabbiyi;
tanlov asosida bir nafar pedagog;
kasaba uyushmasi qo‘mitasi raisi.
11. O‘quvchi (talaba)larga ijtimoiy ta’minot yordami, transportda yurish kartochkalari hamda bitiruv nafaqasini berish masalasini ko‘rib chiqish tartibi ushbu Nizomga 3-ilovada keltirilgan sxemaga muvofiq amalga oshiriladi.
12. O‘quvchi (talaba)larga ijtimoiy ta’minot yordami, transportda yurish kartochkalari hamda bitiruv nafaqasini berish bo‘yicha tegishli hujjatlarni yig‘ish va rasmiylashtirish o‘quvchi (talaba)ning guruh rahbari yoki murabbiyi (keyingi o‘rinlarda — guruh rahbari) tomonidan amalga oshiriladi.
13. O‘quvchi (talaba) ijtimoiy ta’minot yordami, transportda yurish kartochkalari hamda bitiruv nafaqasi olish uchun muassasa rahbariga ariza bilan murojaat qiladi.
14. O‘quvchi (talaba)ga ijtimoiy ta’minot yordami, transportda yurish kartochkalari hamda bitiruv nafaqasi berish masalasini hal qilish uchun guruh rahbari tomonidan ishchi guruhga o‘quvchi (talaba)ning murojaatidan so‘ng uch ish kunida quyidagi hujjatlar taqdim etiladi:
a) o‘quvchi (talaba)ning arizasi;
b) tuman (shahar) hokimining o‘quvchi (talaba)ni davlat tarbiya, davolash-sog‘lomlashtirish, tibbiy-ijtimoiy muassasalarga joylashtirish yoki to‘liq davlat ta’minotiga olish haqidagi qarori nusxasi;
v) o‘quvchi (talaba)ning tug‘ilganlik to‘g‘risidagi guvohnomasi yoki pasporti nusxasi;
g) o‘quvchi (talaba)ning yetim bolalar va ota-onasining yoki boshqa qonuniy vakillarining qaramog‘idan mahrum bo‘lganligini tasdiqlovchi hujjatlar:
ota-onasining o‘limi haqidagi guvohnoma nusxasi yoki sudning ota-onani vafot etgan deb topganligi to‘g‘risidagi qarori nusxasi;
ota-onasining yoki boshqa qonuniy vakillarining qaramog‘idan mahrum bo‘lganligini tasdiqlovchi hujjat nusxasi.
15. Hujjatlar taqdim etilgan kundan boshlab o‘n ish kunida ishchi guruh tomonidan ko‘rib chiqiladi.
16. Tushgan hujjatlarni ko‘rib chiqish natijasi bo‘yicha o‘quvchi (talaba)ga ijtimoiy ta’minot yordami, transportda yurish kartochkalari hamda bitiruv nafaqasining berilishi yoki rad etilishi to‘g‘risida ishchi guruhning qarori qabul qilinadi va ta’lim muassasasi rahbari tomonidan tasdiqlangan bayonnoma bilan rasmiylashtiriladi.
Ishchi guruh tomonidan barcha hujjatlar to‘liq, asoslangan holda taqdim etilganligi aniqlanganda o‘quvchi (talaba)ga ijtimoiy ta’minot yordami, transportda yurish kartochkalari hamda bitiruv nafaqasini berish to‘g‘risida, aksincha taqdim etilgan hujjatlarda kamchilik mavjudligi, hujjatlarning haqiqiy emasligi aniqlanganda nafaqa berilishini rad etish to‘g‘risida qaror qabul qilinadi.
Ishchi guruh tomonidan qaror nusxasi uch ish kunida o‘quvchi (talaba)ga yetkaziladi.
O‘quvchi (talaba) qaror nusxasini olgan kundan boshlab bir oy davomida tegishli kamchiliklarni bartaraf etgan holda nafaqa olish bo‘yicha ishchi guruhga qayta murojaat qilish huquqiga ega bo‘ladi.
17. Ishchi guruh rahbari va a’zolari ijtimoiy ta’minot yordami, transportda yurish kartochkalari hamda bitiruv nafaqasining berilishi yoki rad etilishi to‘g‘risida ishchi guruh qarorining qonuniyligi va uning to‘g‘ri qabul qilinganligi uchun shaxsan javobgar hisoblanadi.