Юқумли касалликларда учрайдиган шошилинч холатлар

IV даражадаги дегидратация ҳолатида бемор аҳволи жуда оғир бўлади. Кўзларининг оқи қуриб, хира тортиб қолади. Мидриаз аниқланади. Кўз соққалари ич-ичига тортиб колади. Анурия кузатилади, айни вақтда у бетўхтов қусади, тинмасдан шйр-шир ичи кетади. Беморни ташналик анча қийнайди. Оғиз бўшлиғи шиллиқ пардаси ва тил қуриб, қақраб кетади. Бемор юзи, бадани ва қўл-оёқлари кўкимтир тус олади. Териси ва тери ости тўқимаси эластиклиги йўқолади. Беморнинг овози чиқмайди — у пичиллаб гапиради. Ҳамма мускуллари тортишиб қисқарган ҳолда бўлади.

Даво бемор венасига 37 даража ҳароратгача илитилган полиион эритмалар (квартасоль, ацесоль) юборишдан бошланади. Умуман бир кеча-кундузда юбориладиган эритма миқдори дегидратация даражасига қараб 4—10 литрни ташкил килади.

АНАФИЛАКТИК ШОК

• Анафилактик шок аллергия реакциясининг энг оғир хилидир. У сенсибилланиб қолган организмга профилактика ёки даво мақсадида бирор антиген, масалан, зардоб парентерал усул би­лан юборилиши натижасида юз беради.
• Турли дори-дармонлар, айниқса антибиотиклар (хусусан, пенициллин) ишлатилганида ҳам анафилактик шок юз бериши мумкин.

Клиникаси.

• Бемор безовталанади, боши айланиб оғрийди, кўнгли айнийди, териси (айниқса кафти) қичийди. Баданига кўпинча эшакем тошади, совуқ тер чиқади. Бемор нафас олишга қийналади, товуш чиқариб, хириллаб нафас оладн, нафаси узоқдан эшитилиб туради. Томири тез уради, пульси зўрға қўлга илинади. Қон босими жуда пасайиб кетади. Упкани текширганда тар-қоқ қуруқ хириллаш эшитилади. Бемор йўталади, балғами пушти ранг бўлади. Упканинг орқа паст қисмида перкуссия товуши бўғиқлашади. Аускультацияда катта-кичик пуфакчали хириллаш эшитилади

Давоси.

• Аввало шокка сабаб бўлган дорини ишлатишни дарҳол тўхтатилади.
• Дастлабки чоралар гипотонияни бартараф этишга қаратил-ган бўлади. Бир кеча-кундузда 5—6 литргача полиионли тузли эритмалари (ацесоль, квартосоль ва бошқалар).
• Преднизолоннинг 3% ли эритмасидан 2—3 мл ёки дексо-метазоннинг 0,4% эритмасидан 2—3 мл (преднизолон — 60—90 мг, дексометазон — 8— 12 мг).
• Анафилактик шокка сабаб бўлган зардоб юборилган жой-га 0,1% ли адреналин эритмасидан 0,5 мл укол қилинади.
• Антигистамин препаратлар тайинланади.
• Бронхоспазмни камайтириш учун эуфиллиннинг 2,4% ли эритмасидан 10 мл
• Қон томир дееорларини мустаҳкамлаш учун аскорбинат кислотанинг 5% ли эритмасидан 5—8 мл ни 10 мл 10% ли каль­ций глюконат эритмасида бемор венасига юборилади;
• Беморни ўраб-чирмаб иситилади. Унга иссиқ ширин чой ичирилади, оёғига ва белига иситгич қўйилади.

ЖИГАР ФАОЛИЯТИНИНГ ЎТҚИР ЕТИШМОВЧИЛИГИ (Ўткир жигар энцефалопатияси)

Бундай ҳолат вирусли гепатитлар, лептоспироз, сепсис, жигар циррози ва бошқа касалликларда кузатилади. Жигар энцефалопатиясида жигар ҳужайралари (гепатоцит­лар) нинг кўп қисми парчаланиб емирилади, бошцача айтганда, жигар некрозга учрайди, натижада жигар функцияси издан чиқади.

Жигар энцефалопатиясининг авж олиб боришида IV давр ажратилади:

I прекома, II прекома, I кома ва II кома.

• I прекома даврида интоксикация кучайиб, беморни кундуз куни уйқу тортаверади, у кечаси ухлай олмайди. Иштаҳаси мутлақо йўқолади. Бўлар-бўлмасга жаҳли чиқаверади.