Z. Mirzayeva, K. Jalilov hammuallifligida tuzilgan umumiy o`rta ta`lim

Z.Mirzayeva, K.Jalilov hammuallifligida tuzilgan umumiy o`rta ta`lim
maktablarining 6-sinfi uchun tuzilgan “Adabiyot” darsligiga
TAQRIZ
Ushbu darslik to`rt bo’limdan tashkil topgan.Darslikning birinchi bo`limi “Har bir kun – saboq” deb nomlangan. Bu bo`limda A.Qahhorning “Og`ri”, G`.G`ulomning “Shum bola”, O.Yoqubovning “Yaxshilik”, O`.Hoshimovning “Dunyoning ishlari” asarlari o`rganilgan,asarlarini o`qish, tushunish, u haqda xulosalar chiqarish uchun ko`rsatma, savol-topshiriqlar ishlab chiqilgan.Shubhasiz, bunday jihatlar sanalgan asarlar mazmun-mohiyatini anglashda muayyan samara beradi.
Ikkinchi bo`lim “So`zda sehr bor” deb atalgan.Bo`limda Xalq og`zaki ijodining namunalaridan qo`shiqlar, A.Navoiy ruboiylari, A.O`tar va Abayning ma`rifatparvarlik ruhidagi ijod namunalari, Lengston Xyuzning “Rahmat, sizga oyijon!” singari asarlar o`rganish uchun taqdim etilgan. Umuman, badiiy so’zning tarbiyaga xizmat etishi keltirilgan asarlar matni va ularning tahlili asosida ko`rsatilgan.
Uchinchi bo`lim “Fantastika va sarguzashtlar olami” deb nomlangan. Bu bo’limda R.Bredberi, J.Vern, H.Shayxov singari fantastika va sarguzasht olamining mashhur vakillarining ijod namunalari o`qib o’rganish uchun tavsiya etilgan.
Darslikning so`nggi bo’limi “Rangin tuyg`ular” deb atalgan. Bu bo`limda R.Fayziy, I.Yusupov, O.Matjon, X.Davron, A.Suyun, O.Uayld kabi adiblarning asarlari o`rin olgan.Tanlangan asarlar o`quvchilarni mustaqil fikrlashga undaydi.
Darslikning ham o`qituvchilar, ham o`quvchilar uchun qulayligi har bir asardagi tushunilishi qiyin bo’lgan so`zlar izohining kitob hoshiyasida berilganligidir.Bu o`quvchilarning so`z boyligini ortishiga xizmat qiladi.Darslik so`nggida adabiy tushunchalar lug`ati taqdim etilganligi o`quvchilarni adabiy terminlarni farqlashga undaydi.
Darslikda har bir mavzu uchun loyihalar taqdim etilgan. Bu loyihalar o’quvchini ijodiy tafakkurini yuksalishiga xizmat qiladi.
Umid qilamizki, ushbu darslik umumiy o`rta ta`lim maktablari o`quvchilari uchun qulay o`quv qo`llanma vazifasini bajaradi.Mazkur kitobni nashrga tavsiya etish mumkin.
Ravshanbek Egamberdiyev,
Sirdaryo viloyati Boyovut tumanidagi
22-maktab ona tili va adabiyot fani
o`qituvchisi

o`qituvchisi