Меҳнат бозорини тартибга солиш бир қатор йўналишларда амалга
оширилади:
1. Иш ҳафтасининг максимал давомийлигини белгилаш;
2. Энг кам иш ҳақини белгилаш;
3. Ижтимоий суғурта эҳтиёжлари учун бадаллар тўлаш
тартибини белгилаш;
4. Кадрларни касбга тайёрлаш ва қайта тайёрлашни давлат
томонидан
рағбатлантириш.
Илмий-тадқиқот соҳасини давлат томонидан тартибга солиш
илмий-
техникавий тараққиётнинг юқори суръатларини сақлаб қолиш ва
иқтисодиётнинг жадал ривожланишини таъминлаш имконини беради.
Иқтисодий ривожланган мамлакатларда давлат илмий-тадқиқот ишларига
умумий харажатларнинг 40% дан 50% гача молиялаштиради, молиявий
ресурслар эса маълум бир лойиҳа учун грантлар шаклида ажратилади.
Ушбу давлат томонидан тартибга солиш воситаларининг ҳар бири ўз ролини
бажаради ва бошқаларни тўлдиради. Тизим комплексда қўлланилса
ва унинг
таркибий қисмлари бир-бирига зид бўлмасагина самара беради. Агар
сиёсатни амалга ошириш натижасида мақсадларга эришилмаса, "Кобра
эффекти" деб аталадиган эффект пайдо бўлади.
