Ўзбекистон фермер, дехқон хўжаликлари ва томорқа ер эгалари кенгаши ўзбекистон тадбиркорлик ва фермерликни қЎллаб

 
Уруғликларни экишга тайёрлаш: 
Саримсоқпиёз асосан палласидан экилади. 
Экиладиган 
пиёзбошчалари юқори унувчан, касалликлардан ҳоли, бутун, вазндор 
бўлиши зарур. 
Экишдан уч-тўрт кун олдин саримсоқпиёз паллаларга ажратилади, 
сараланади; касалланган, эзилган ва майдалари ажратиб ташланади. 
(Катта гектарларга экилганида уруғликлар махсус машиналарда 
паллаларга ажратилади. Мазкур машинанинг 7 соатлик иш кунидаги 
иш унумдорлиги 3-5 т.). 
Кичик майдонларга экилганида экиш нормаси 100 метр квадратга 
паллачалари учун 10-15 кг, пиёзчалар учун 0,8-1 кг. ни ташкил 
қилади. 
 
Экиш схемаси: 
Саримсоқпиёз лентасимон икки ва уч қаторлаб экилади. Уч 
қаторлаб экилганда ленталар оралиғи 50-60 см. Ленталардаги 

---

қаторлар ораси 10-15 см., икки қаторларда эса 20 см. бўлади. 
Қатордаги ўсимликлар оралиғи ҳар қандай ҳолатда ҳам 6-8 см., 
чуқурлиги 3–4 см. қилинади. 
Кичик участкаларга саримсоқпиёз қўлда экилади, бунда йирик 
паллалар 6-9 см, кичик паллалар эса 3-4 см. чуқурликка қадалади.
Кичик майдонларга экилганида пиёзчаларга озроқ озиқ майдони 
етарли бўлишини инобатга олиб, экиш оралиқларини қисқартириш 
мумкин. 
Саримсоқни механизация ёрдамида экиш учун экспериментал 
экувчи аппарат билан қайта жиҳозланган СЛН-8 маркали пиёз 
экиладиган сеялкадан фойдаланилади. 
Уруғлик сарфи: 
Катта майдонларда экилганда саримсоқпиёз бўлаклари 50х20х5 
сантиметрли схемада экилади, бир гектарга 1000-1200, айрим 
навларида 1500 килограммгача уруғлик сарфланади. 
Агар экиш қуйидаги схемаларда амалга оширилса, икки қаторлаб 
50х20x5-6 см, 40х15х15x7-8 см. 1 га ерда ўсимликнинг сони 450-600 
минг донани ташкил этади. 
 
Ўғитлаш: Тупроқ турига қараб саримсоқ экиладиган ерга 
гектарига чириган гўнг 20-30 тонна, 
азот 200 кг, фосфор - 140-160 кг, 

---

калий - 60-75 кг. солинади. Кичик майдонларда гўнг кўп солиниши, 
ерларнинг унумдорлиги юқорилиги сабабли 
10 сотих ерга соф ҳолда 
10–15 кг. азот, 10–12 кг. фосфор ва 5 кг. калий ўғити солиниши 
етарли бўлади. Саримсоқ экиладиган ерга янги гўнг солиш ярамайди, 
чунки бу ҳосилнинг етилишини кечиктиради ва у яхши сақланмайди. 
Органик, 75% фосфорли ҳамда калийли ўғитларнинг йиллик 
миқдори ҳайдашдан олдин солинади. Фосфорли ўғитнинг қолган 
қисми ва гектарига 30-40 кг. азот экиш пайтида берилади. Азотли 
ўғитларнинг қолган қисмини икки бўлиб: эрта баҳорда, биринчи 
ўтоқдан кейин ва шундан сўнг 2-3 ҳафта ўтиб берилади.