Ўзбекистон республикаси халқ таълим вазирлиги

2003-yil 13-avgust (imzo) K. Salimov



Toshkent davlat pedagogika universiteti
o’zbek filologiyasi fakultetining IV kurs talabasi,
1983-yilda tug’ilgan, o’zbek, Elyor Usmonovga


TAVSIFNOMA

Elyor Usmonov Toshkent davlat pedagogika universitetining o’zbek filologiyasi fakultetiga 2000-yilda 1-kursiga o’qishga kirdi.

Universitetda tahsil olish davrida u o’zini intizomli, ziyrak va zukko talaba sifatida ko’rsatdi. O’quv mashg’ulotlariga jiddiy yondashadi va fanlarni qunt bilan o’rganishga harakat qiladi. E. Usmonov adabiyot faniga alohida qiziqish bilan qaraydi. U 2002-yilning aprel oyida talabalarning Respublika ilmiy konferensiyasida ma’ruza bilan qatnashdi va 1-o’rinni egalladi.
E. Usmonov fakultetning jamoat ishlarida ham faol qatnashadi. U fakultetning “Yosh tarjimon” devoriy gazetasiga muharrirlik qiladi. E. Usmonov aql-zakovat, bilimdonlik talab etiladigan har qanday ishda o’zini ko’rsata oladi va dadillik bilan harakat qiladi.
U kamtarin va to’g’ri so’z, do’stlariga nisbatan doim g’amxo’r, mehribon bo’lganligi uchun ham kursdoshlari unga hurmat va ehtirom bilan qaraydilar.
Tavsifnoma «Kamolot» yoshlar ijtimoiy harakati bo’limiga taqdim qilish uchun berildi.


Dekan (imzo) A. Ibrohimov


Kasaba uyshmasi
Raisi (imzo) F. Rahimov

Namangan shahar “Dilorom”

qandolatchilik fabrikasining direktori.
B.I.Olimovga qiyom sexi boshlig’i
D.A.Rahimovaning Toshkent viloyati
Yangiyo’l shahri «Lazzat» birlashmasida
o’tgan xizmat safari haqida


HISOBOTI

Men, D.A.Rahimova, 2003-yiIning 18-24-avgust kunlarida Yangiyo'l shahrining «Lazzat» birlashmasida xizmat safarida bo’ldim. Safardan maqsad «Lazzat» birlashmasidagi qiyom ishlab chiqarish ilg'or texnologiyasi bilan tanishish va fajriba almashtirish edi. Safar davomida birlashmaning shokolad, iris sexlarida ham bo'ldim. Qiyom sexidagi ish jarayoni bilan batafsil tanishdim.

Birlashmaning qiyom sexi keyingi yillarda yangi uskunalar bilan qayta jihozlanganligi natijasida ishlab chiqarayotgan mahsulotlari sifati yaxshilangan, xili ko'paygan va xomashyo ancha tejalgan. Sexda ish brigada pudrati usulida tashkil etilgan, ishchilarning maoshi oldingi yillardagiga qaraganda ancha ortgan.
Bizning sexga ham ana shunday uskunalar o'rnatilsa, qiyom xilini yanada ko'paytirsa bo'ladi. Birlashma rahbariyati bilan uskunalarni qayerdan olish mumkinligi xususida fikrlashdim.

Sex boshlig’i (imzo) D.A. Rahimova

2003-yil 25-avgust