Ўзбекистон республикаси халқ таълими вазирлиги олий ва ўрта махсус таълими вазирлиги

Т/р Маҳсулот номи Ўлчов бирлиги Сони Қайд рақами (инвен. рақами) Мактаб раҳбари (Имзо) (Ф.И.Ш) Фан хонасидаги жиҳозларга масъул (Имзо) (Ф.И.Ш) Муҳр сана: «__»________ __й

2.6. Ҳар ҳафтада фан хонасидаги мавжуд жиҳозларни кўздан кечиради (инвентаризациядан ўтказади) ва носоз ҳолга келиб қолган жиҳозларни ўрнини тўлдириш ҳамда уларни таъмирлаш бўйича мактабнинг хўжалик ишлари бўйича директор ўринбосарига қуйидаги 2-шаклдаги далолатнома асосида ёзма равишда маълумотнома тақдим этиб боради.

2-шакл

Синф хонадаги жиҳозлар ҳолати бўйича далолатнома Т/р Маҳсулот номи Ўлчов бирлиги Сони Қайд рақами (инвен. рақами) Ҳолати (яроқли, таъмирталаб, яроқсиз) Сабаби Топширди: Фан хонасидаги жиҳозларга масъул (Имзо) (Ф.И.Ш) Қабул қилди: Мактаб директорининг хўжалик ишлари бўйича ўринбосари (Имзо) (Ф.И.Ш) Муҳр сана: «__»________ __й

2.7. Фан ўқитувчиси электр токини ишлатишда техникавий хавфсизлик қоидаларини, бахтсизлик ҳодисаларида биринчи тиббий ёрдам кўрсатишни билиши зарур.

3. Бошланғич синф хонасидаги ўқув жиҳозларидан самарали фойдаланишга ва уларни сақланишига қўйиладиган талаблар:
3.1. Таълимнинг замонавий педагогик технологиялари ва техника воситаларидан машғулотлар жараёнида унумли фойдаланишни ташкил этиш лозим.
3.2. Мавжуд жиҳозлардан самарали фойдаланиш ва уларни сақлаш ҳолатини таълим муассасасининг педагогик кенгашида ўқув йилида камида бир марта атрофлича муҳокама қилиш ва самарали фойдаланиш бўйича берилган таклифларни инобатга олиш керак.
3.3. Фан хоналари жиҳозларидан мақсадли фойдаланиш ва уларнинг сақланишини самарали ташкил этиш юзасидан мактаб миқёсида кўрик-танловлар ташкил этиш зарур.
3.4. Фан хонасига масъул ўқитувчи ва ўқувчиларни - фан хонасининг жиҳозланиши ва ўқув жиҳозларидан самарали фойдаланиш бўйича фаолиятлари ўрганилиб, ижодий натижаларга эришганларни рағбатлантириш масаласи таълим муассаса раҳбарияти томонидан ярим йиллик ва ўқув йили якуни бўйича кўриб чиқилиб моддий ва маънавий рағбатлантириш чораларини кўриш лозим.
3.5. Масъулиятсизлик туфайли хато ва камчиликларга йўл қўйиб, мебель ва жиҳозларининг ишлаш муддатларининг қисқаришига, қисмларининг ишдан чиқишга олиб келган жавобгар шахсларга нисбатан ўрнатилган тартибда маъмурий ва интизомий чоралар кўриш керак.
3.6. Фан хонасидаги ўқитувчи, ўқувчилар столлари, стуллари, шкафлар ва бошқа турдаги жиҳозларни қирилиши, чизилиши каби ҳолатлари ва унинг тозалиги учун ўқитувчи, ўқувчининг ота-онаси, ўқувчи ҳамда таълим муассасининг раҳбарияти шахсан жавогар ҳисобланади.
4. Бошланғич синф хонасидаги ўқув жиҳозларига қўйилган санитария-гигиена талаблар:
4.1. Хонадаги ўқув жиҳозларининг барчаси, таълимнинг техникавий воситалари ва бошқалар меҳнат гигиенаси, санитария-гигиена ҳамда хавфсизлик техникаси талабларига жавоб бериши лозим.
4.2. Хонанинг ёритилиши табиий ва сунъий ёритилиш талабларига мос бўлиши керак.
4.3. Ўқув биноси ойналарнинг жойлашиши жанубга, шарққа ёки жануби-шарқ томонда бўлиши керак.
4.4. Хонадаги ёритилиш чап ён томонлама бўлиши, икки томонлама ёритилганда ўнг томонлама ёриғлик тушиши керак.
4.5. Сунъий ёритилиш учун ўқувчининг ёши, кўриш қобилиятларининг ўсиб боришини эътиборга олинган ҳолда замонавий сунъий ёриткичлардан фойдаланиш ва уларнинг жойлаштирилиши ҳамда доимий равишда ишлашини таъминлаш керак.
4.6. Ўқитувчи иш жойи ёритилишида сунъий ёриткичлар билан ёритилиш меъёрларига амал қилиш керак.
4.7. Хонани бўёқлари унинг жойлашишига қараб илиқ ёки салқин тонда нимранг бўлиши, жанубга томон қараган хоналар салқин тонларда яъни оч мовий, кулранг, яшил рангларда бўялиши, шимолга томон жойлашган хоналар илиқ тондаги ранглар яъни сариқ, пушти рангларда бўялиши керак. Оқ-қора, тўқ ранглар, жигарранг, очиқ мовий, қора, қизил, малина ранглари тавсия этилмайди.
4.8. Синф поллари зич, ёриқларсиз, иссиқни сақлашга мосланган линолиум ёки паркет бўлиши керак.
4.9. Синф деворлари текис, силлиқ, намлаб тозалашга қулай бўлиши керак.
4.10. Синф эшиги ва дераза ромлари оқ рангда бўлиши керак.
4.11. Деворлардан ёруғликнинг қайтиш коеффициенти камида 0,5 - 0,6 шифтда 0,7 - 0,3, полларда 0,3 - 0,5 бўлиши керак керак.
4.12. Синф хонаси, лаборант хонасининг иссиқлиги, вентиляцияси хисоб-китоби олиниши, хона харорати 18-21^о С, ҳаво намлиги 40-60 % ни ташкил этиши керак.
4.13. Хонанинг электр токи билан таъминланиши амалдаги талаблар асосида бўлиши керак.