Ўзбекистон Республикаси халқ таълими вазирлиги Қўқон давлат педагогика институти

II БОБ. ТАДҚИҚОТ УСЛУБЛАРИ ВА УНИ ТАШКИЛ ЭТИШ


2.1. Тадқиқот услублари
Тадқиқот вазифаларини ўрганиб чиқишда қуйидаги илмий усуллар қўлланилди:

1. 
   Илмий-услубий адабиётларни таҳлил қилиш.
   
2. 
   Илғор мураббийлар ва спортчилар билан суҳбат орқали уларнинг тажрибаларини ўрганиш, саволномалар юритиш, педагогик назорат, ўз-ўзини назорат қилиш, спорт машғулотларини режалаштириш ҳужжатларини таҳлил қилиш.
   
3. 
   Юқори малакали дзюдочилар организмининг иш қобилияти даражаси ва катта функционал кўрсаткичларини аниклаш бўйича педагогик тадкикот ўтказиш.
   

Илмий-услубий адабиётларни таҳлил қилиш: Бизни қизиқтирган муаммонинг ўрганилиш ҳолатини аниқлаш учун катта ҳажмдаги махсус илмий-услубий адабиётлар ўрганилди.
Асосий эътибор турли катталик ва йўналишдаги юкламалардан фойдаланиб, микроцикл машғулотларини тузиш тажрибаларига каратилди. Шу билан бир қаторда, спорт машғулотлари юкламаларининг спортчилар огранизмига таъсири самарадорлиги амалиётда, спорт фаолиятидаги физиологик ва тиббий асосларга боғлаб ўрганиб чиқилди. Амалиётда илгор мураббийлар ва спортчилар иш тажрибаларини таҳлил қилиш жараёни мутахассисларнинг фикрларини ўрганиш мақсадида олиб борилди, натижада иловада кўрсатилган сўровномаларга жавоблар олинди ва таҳлил қилиб чиқилди
Буларнинг иш стажи 5 йилдан 10 йилгача, сўровнома асосидаги савол -жавоб қатнашчиларини 60%и олий маълумотли, 25%и тугалланмаган олий маълумотли, 15%и ўрта махсус маълумотга эга спортчилардир.
Сўровномага жавоб берганлар таркибини ёш хусусияти бўйича таҳлил қилганда, маълум бўлдики, 25 ёшгача 31%, 30 ёшгача 24%, 35 ёшгача 19%, 55 ва ундан юкори ёшлар 26%ни ташкил қилади. Натижада, сўровномада берилган микроцикл машғулотларининг бир кунда неча маротаба ўтказилиши мумкинлиги ҳақида саволга қуйидаги тартибда жавоб олинди:
2.1-жадвал
Микроциклдаги бир кунлик машғулотлар микдори
(% ҳисобида)

№	Машғулотлар сони	Тайёргарлик боеқичлари
		Дастлабки	Бевосита
1	Бир маротаба	31	27
2	Икки маротаба	56	59
3	Уч маротаба	13	14

Сўровнома (2.1-жадвал) натижасига кўра, микроцикл машгулотлари сони ва бир кундаги ўтказиладиган машгулотлар сонига нисбатан турли фикрлар ва фаразлар аниқланди.
Бир кунда 2 марта машғулот ўтказиш зарурлиги сўралганларнинг 57,7%и таъкидлаган бўлса, 3 марталик машғулот учун 13,5%и ва бир марталик машғулот учун 29%и овоз берган.