Ўзбекистон Республикаси халқ таълими вазирлиги Қўқон давлат педагогика институти

Тадқиқот натижаларининг асосланганлиги ва ишончлилиги.
Тадқиқот жараёнида малакали дзюдочилар гуруҳларида шуғулланувчи 12 та спортчи қатнашди. Шу жумладан: 4 та дзюдо бўйича спорт усталигига номзодлар, 8 та биринчи даражали спортчи. Тадқиқот жараёни уч босқичда олиб борилиб, спорт амалиётидаги энг замонавий услублардан фойдаланилди. Тадқиқот натижаларини умумлаштиришда математик-статистик усуллардан фойдаланилди (ўртача арифметик аҳамияти, стандарт чекинишлар, коэффициент вариацияси, корреляция ва регрессия, Стьюдент I - мезони ҳақиқийлиги айирмаси ва бошқалар).
Ҳимояга қўйиладиган асосий ҳолатлар:
- дзюдочиларнинг махсус ва мусобақаолди тайёргарлиги босқичларининг рационал микротузилмалари: машғулот изчиллиги, кунлари ва дзюдочилар организмига ҳафталик микроцикллар жараёнида ҳаракат механизмининг таъсир самарадорлигини оширишга йўналтирилган қўшимча машғулотларнинг уйғунлиги, машғулотларнинг умумий сонини кўпайтириш ва унинг натижасида махсус иш қобилияти самарадорлигини ошириш имкониятл ари;
- малакали дзюдочилар гуруҳларида махсус ва мусобақаолди тайёргарлиги босқичларини режалаштириш жараёнида машғулот юкламаларини турли катталикда ва йўналишда бажариш усули, машғулот турларининг кучи ва таъсири тавсифи;
- дзюдочиларнинг махсус ва мусобақаолди тайёргарлиги босқичларида микроцикл машғулотлари давомийлигининг ўзгарувчан ҳолати, ҳафталик микроцикллар тизимида турли йўналишларда бажарилган юкламалар натижаларининг самарадорлиги.
Ишнинг синовдан ўтиши: тадқикот иши материаллари илмий-амалий анжуманларида муҳокама қилинди. Диссертация Фаргона Давлат университетининг , "Жисмоний тарбия назарияси ва методикаси" кафедра мажлисида муҳокама қилинди.
Натижаларнинг эълон қилинганлиги: диссертациянинг асосий натижалари турли нашрларда 3 та илмий мақолада эълон қилинган.
Диссертациянинг тузилиши ва ҳажми. Диссертация кириш, тўртта боб, хулосалар, адабиётлар рўйхати, иловалардан иборат бўлиб, 76 бетда ифода этилган.
I БОБ. ДЗЮДОЧИЛАРНИНГ МАХСУС ВА МУСОБАҚАОЛДИ ТАЙЁРГАРЛИГИ БОСҚИЧЛАРИНИНГ ТУЗИЛИШИ МАСАЛАЛАРИ