Ўзбекистон Республикаси халқ таълими вазирлиги Қўқон давлат педагогика институти

Тадқиқотнинг илмий янгилиги шундан иборатки, малакали спортчилар тайёрлаш тизимида дзюдо дзюдои бўйича биринчи маротаба спортчилар организмига катта ва турли йўналишдаги юкламаларнинг таъсирига тааллуқли тадқиқот натижалари олиниб, малакали дзюдочилар гуруҳларида машқ юкламаларининг самарадорлигини оширишда қуйидаги янги услублардан фойдаланилди:

• 
  малакали дзюдочиларнинг махсус ва мусобақаолди тайёргарлиги босқичларининг рационал микротузилмалари: машғулот изчиллиги, кунлари, кунлик ва ҳафталик микроцикллар (МЦ);
  
• 
  дзюдочилар организмига машғулотлар жараёнида ҳаракат механизмининг таъсири самарадорлигини оширишга йўналтирилган қўшимча машғулотларнинг уйгунлиги, машгулотларнинг умумий сонини ошириш ва унинг натижасида махсус иш қобилияти самарадорлигини ошириш имконияти ишлаб чиқилди;
  
• 
  дзюдочиларнинг махсус ва мусобақаолди тайёргарлиги босқичларини режалаштириш жараёнида машғулот юкламаларининг бажарилишини назорат қилиш, юкламаларнинг турли катталиги йўналиши, машғулотлар турининг кучи ва таъсир қилиш тавсифи аниқланди;
  
• 
  дзюдочиларнинг махсус ва мусобақаолди тайёргарлиги босқичлари давомийлигининг ўзгарувчан ҳолатига ва ҳафталик микроцикл тизимида турли йўналишларда бажарилган юкламаларнинг натижалари самарадорлигига баҳо берилди;
  

- тадқиқот жараёнида дзюдочиларнинг махсус ва мусобақаолди тайёргарлиги босқичларининг тузилиши, турли юкламалар ва йўналишдаги усулларда ўтказилган тадқиқот доирасида дастурлар ишлаб чиқилди ва исботлаб берилди.
Амалий ва назарий аҳамияти. Тадқиқотнинг назарий аҳамияти шундан иборатки, малакали спортчилар тайёрлашда дзюдочиларнинг иш кобилиятини ошириш борасида мавжуд бўлган омилларнинг бири сифатида махсус ва мусобақаолди тайёргарлик босқичларида катта юкламали машғулотлар сонини изчиллик билан, зўр бермасдан ошириш услублари ишлаб чиқилиб, юкламаларнинг амалий машғулотларда кенг қўлланиши тизимлаштирилди ва катта юкламали машғулотлардан сўнг тикланиш ҳолатларига фаол таъсирлари аниқланди; машғулотларни рационал алмашлаш асосида дзюдочиларнинг махсус ва мусобақаолди тайёргарлик босқичлари микроцикллари вариантлари, турли катталиги ва йўналишига қаратилган машғулотларни ташкил этиш борасида биринчи маротаба тажрибавий кўрсаткичлар олинди.
Тадқиқот натижасида терма жамоалар мураббийлари учун дзюдочиларнинг махсус ва мусобақаолди тайёргарлик босқичларида машғулотларни ўтказиш билан боглиқ бўлган микроцикллар вариантлари ишлаб чиқилди.