Афзаллиги:
- ушбу технология ўқувчилар фикрий фаолиятини фаоллаштириш, қизиқишларини ўстириш, ўқув материалини пухта ўзлаштиришлари учун қулай ҳисобланади.
Камчиликлари:
1. У тайёр билимларни шунчаки тақдим этишга нисбатан кўпроқ вақт сарфлашни талаб қилади.
2. Мазкур технологияда ўқувчиларнинг индивидуал фарқларига нохуш таъсир кузатилиши мумкин: уларнинг аксарияти қўйилган муаммони ечишга, ўқитувчининг саволларига жавоб топиш ва қайтаришга улгура олмайдилар. Ўқитувчи эса ўқувчиларнинг барчаси керакли хулосага келиши учун кутиш имконига эга эмас.
3. Эвристик суҳбатларда алоҳида ўқувчиларгина фаол иштирок этиб, қолган ўқувчилар пассив позицияда қолиб кетишлари мумкин.
Адабиёт дарсларида эвристик технологияни қадам-бақадам қўллаш (А.Қаҳҳорнинг “Даҳшат” ҳикояси асосида ўқувчиларда ҳикоя ҳақида адабий тушунчани таркиб топтириш ”):
Дарснинг мақсади:
1. Ҳикоянинг бош масаласи унинг бадиий тўқимасига қандай қилиб сингдирилганлигини кўрсатиш;
2. Ўқувчиларда адабиёт назариясига хос атамалар ва матнни бадиий таҳлил қилиш малакасини ўстириш.
3. Ўқувчиларда ижодий қобилиятни ривожлантириш, материал ҳақида фикр юритишга ўргатиш.
4. Гуруҳда ишлаш, бошқаларнинг фикрларини тинглай билиш, олинган ахборотларни таҳлил этиш кўникмаларини ўстириш.
5. Монологик нутқни ўстириш.
Дарснинг жиҳозланиши: мусиқа, тарқатма материал.
Методик усуллар: ўқитувчининг кириш сўзи, суҳбат, гуруҳда ишлаш, ўқувчиларнинг чиқишлари.
1-қадам:
Ташкилий қисм – 2 мин.:
Ўқитувчи ўқувчиларни 6 та (ҳар бир гуруҳда 5 та ўқувчи) гуруҳга бўлади. Ҳар бир гуруҳ карточкада топшириқ олади. Ўқувчилар саволларга жавоб бериши ва ўз мавзуси бўйича хулосаларни тақдим этиши лозим. Болалар 5 балли тизим асосида гуруҳ аъзоларининг иштирок этиш даражасини белгилаб олишлари керак. Ҳар бир гуруҳ ўзига спикер ва котиб (а) сайлайди. Спикер маълумотларни тақдим этади, котиб (а) ёзувларни расмийлаштиришга кўмаклашади.
Do'stlaringiz bilan baham: |
