Ўзбекистон республикаси халқ таълими вазирлиги республика таълим маркази шахсга йўналтирилган педагогик технологиялар

ЎЗБЕКИСТОН РЕСПУБЛИКАСИ ХАЛҚ ТАЪЛИМИ ВАЗИРЛИГИ
РЕСПУБЛИКА ТАЪЛИМ МАРКАЗИ

ШАХСГА ЙЎНАЛТИРИЛГАН ПЕДАГОГИК ТЕХНОЛОГИЯЛАР


ТОШКЕНТ- 2013

МУНДАРИЖА:


1. “Шахсга йўналтирилган педагогик технология” бўйича аннотация.
2. “Шахсга йўналтирилган педагогик технология” бўйича концепция.
3. “Шахсга йўналтирилган педагогик технология” ни амалга ошириш бўйича таълим турлари.

• 
  Муаммоли таълим технологияси.
  
• 
  Босқичли таълим технологияси.
  
• 
  Танқидий фикрлашни ривожлантириш технологияси.
  
• 
  Лойиҳалаш технологияси.
  
• 
  Модулли таълим технологияси.
  
• 
  Ҳамкорликдаги таълим технологияси.
  
• 
  “Зинама-зина” технологияси.
  
• 
  Ўйин технологияси.
  
• 
  Ахборот-коммуникация технологиялари.
  

Мазкур технологияларнинг ичидаги усуллар, уларнинг афзаллиги ва камчилиги.
4. “Шахсга йўналтирилган педагогик технологиялар” йўналишини амалиётга жорий этиш бўйича тавсиялар.
5. “Шахсга йўналтирилган педагогик технологиялар” нинг адабиёт фанида фойдаланиш юзасидан намунавий дарс ишланмаси.
6.Тавсия этиладиган адабиётлар.

Шахсга йўналтирилган таълим технологияси

Жамиятнинг ҳар томонлама равнақ топиши, тараққий этиши таълимнинг ривожланишига ва мазмунан такомиллашиб боришига боғлиқ.

Бугунги кунда таълим сифат самарадорлигини ошириш энг долзарб масалалардан бири бўлиб ҳисобланмоқда.
Таълимнинг глобаллашуви, инновацион технологияларнинг жорий этилаётгани, айни пайтда кенг кўламли ахборотлар оқими таълим мазмунини мунтазам янгилаб, такомиллаштириб боришни тақозо этади.
Таълим соҳасидаги давлат сиёсатини рўёбга чиқариш, кадрлар тайёрлашда ягона давлат талаблари асосида ўқув-тарбия жараёнини такомиллаштириш, ўқув-адабиётлари билан таъминлаш, педагогларга узлуксиз методик хизмат кўрсатиш вазифасини амалга ошириш муҳим вазифалардан биридир.