Ўзбекистон республикаси халқ таълими вазирлиги республика таълим маркази шахсга йўналтирилган педагогик технологиялар

Шахсга йўналтирилган таълим технологиясининг асосий принципи- ўқувчининг индивидуаллигини тан олиш ва унинг ривожланиши учун зарур ва етарли шароит яратишдир.Ҳар бир ўқувчининг психологик хусусиятларини ҳисобга олиб, индивидуал ишлаш учун ўқув жараёнини ўзгача ташкиллаштириш лозим бўлади. Бунинг учун ўқув матнлари, дидактик материаллар, улардан фойдаланиш бўйича методик тавсиялар, ўқув диалоги шакллари, ўқувчилар билимини назорат қилиш шакллари махсус лойиҳалаштирилиб, ўқувчиларнинг билим олиши ва ривожланишига қаратилади. Шахсга йўналтирилган таълимда педагогик жараён шахсда белгиланган сифатларнинг шаклланишига қаратилади. Педагогик жараён бу белгиланган мақсадга эришиш ҳамда шахснинг хусусият ва сифатларини ижобий томонга ўзгартиришга қаратилган тарбиячи ва тарбияланувчи ўртасидаги аниқ бир муддат ва маълум тарбиявий тизимда махсус ташкил этилган ўзаро муносабат.
Жараён ҳолат давомийлиги, инсоннинг ривожланиши, бирор бир натижага эришиши йўлидан узвий давом этаётган ҳаракатлар жамланмаси.
Педагогик жараён-тарбия жараёнининг асосий тизим бирлиги. Унинг хусусияти шундан иборатки, у ўқитувчи ва ўқувчининг педагогик муносабат тизимини белгилайди.
Агар тарбия жараёни тушунчаси мақсадга йўналтирилган шахсга маълум сифатларни шаклланиш таъсирини амалга оширишга қаратилган ҳаракат бўлса, педагогик жараён тушунчаси олдиндан ташкил этилган тарбиянинг ўзаро таъсир тизимини билдиради.
Бундай иш турида таълим жараёнининг вазифалари:

• 
  ўқувчиларни билим олиш фаолиятини кучайтириш;
  
• 
  билим олиш фаолиятини такомиллаштириш;
  
• 
  фикрлаш, ижодкорлик қобилиятини ривожлантириш;
  
• 
  диалектик- дунёқараш ва инсонпарвар-эстетик маданиятини шакллантириш;
  
• 
  таълим(тарбия) малакаларини такомиллаштириш.
  

Педагогик жараённинг асосий вазифалари:

Таълим берувчи- илмий билим асосларини ўзлаштириш, амалий фаолият ва ўқув тарбиявий тажрибанинг мотивацион шаклланиши;

Тарбиявий- одамлар муносабатидаги маълум бир сифат, хусусиятнинг шаклланиши; Ривожлантирувчи- шахснинг психик жараёни, хусусияти ва сифатининг шаклланиши ҳамда ривожланиши;