“-la affiksli yasama fe‟llarning o„zbek tilidagi mavqei masalasi” deb
nomlangan birinchi bo„limda -la affiksining ma‟no va vazifalari, bu affiksning so„z
yasovchi va shakl hosil qiluvchi sifatida qo„llanishi kabi masalalar xususida bahs
yuritiladi.
Talaba bu bo„limni yoritishdan avval masalaga oid ilmiy manbalarni sinchiklab
o„rganadi, olimlarning -la affiksining ma‟nolari, so„z yasovchi va shakl hosil qiluvchi
sifatida qo„llanishi haqidagi qarashlarini tahlil qiladi, so„ngra S.Ahmad asarlaridan
tanlab olingan - la affiksli yasalma fe‟llar ishtirokida tuzilgan gaplarni tahlil qilib, bu
affiksning ma‟no va vazifasini belgilaydi. Shundan so„ng nazariy xulosalarini
yoritishga kirishadi.
“ -la affiksli yasama fe‟llarning analitik fe‟llar bilan sinonimiyasi” deb
nomlangan ikkinchi bo„limda esa sintetik va analitik fe‟l yasalmalar sinonimiyasi
tahlil etiladi.
Talaba qilmoq (etmoq, aylamoq) fe‟llari bilan yasalgan sintetik yasalmalar va -la
affiksli analitik fe‟llar sinonimiyasini yoritishdan avval masalaga oid ilmiy manbalarni
sinchiklab o„rganadi. Xususan, ushbu masalaga bag„ishlangan F.Jumayevning
“О‟zbek tilidagi sintetik fe‟l yasalmalarining analitik fe‟l yasalmalari bilan
sinonimik munosabati” mavzusidagi nomzodlik dissertatsiyasi (-Toshkent, 2006),
yuzasidan e‟lon qilingan maqolalar bilan tanishishi lozim.
Shundan so„ng S.Ahmad asarlaridan tanlab olingan daliliy misollari yordamida
nazariy xulosalarini asoslab berishi lozim bo„ladi.
Kurs ishining Umumiy xulosalar qismida mavzu yuzasidan chiqarilgan
xulosalar umumlashtiriladi.
Foydalanilgan adabiyotlar ro„yxati qismida esa “Analitik va sintetik usulda
yasalgan fe‟llar sinonimiyasi (S.Ahmad asarlari misolida)” mavzusidagi kurs ishini
yozish mobaynida foydalanilgan barcha ilmiy manbalar ro„yxati qayd etiladi.
Do'stlaringiz bilan baham: |
