¤збекистон республикаси халк таьлим вазирлиги

1.3. “HOZIRGI O‘ZBEK ADABIY TILI” FANI BО’YICHA
YOZILADIGAN KURS ISHLARINING ILMIY-AMALIY
AHAMIYATI 
“Hozirgi o‘zbek adabiy tili” fanining muayyan bo‘limlari yuzasidan 
yoziladigan kurs ishlari talabalarning til sathi birliklarini shakl va mazmun 
birligidan tashkil topgan yaxlit tizim sifatida o‘rganish, uning birliklarini 
aloqa-bog‘lanishda tekshirish hamda eng muhim xususiyatlariga tavsif berish 
borasida amalga oshiradigan ilk yirik tadqiqot ishlari sifatida muhim 
ahamiyat kasb etadi.
Ma’lumki, fanlar bo‘yicha yoziladigan kurs ishlarida talabalardan 
muayyan mavzu bo‘yicha umumlashma ilmiy-nazariy xulosalarini bayon 
etish talab etiladi. Talabalarning nazariy jihatdan asoslangan xulosalari 

---

9 
mavzu bo‘yicha tilshunoslikda shakllangan ilmiy qarashlarni boyitishga 
xizmat qilishi shubhasiz.
Talabalar tomonidan yozilgan bunday kurs ishlari orqali o‘zbek tili 
birliklarining o‘ziga xos xususiyatlari haqida atroflicha ma’lumotga ega 
bo‘lish mumkin. Kurs ishida masalaga oid nazariy manbalar yuzasidan bayon 
etilgan qiyosiy tavsif va chuqur ilmiy tahlillar muayyan mavzuning tadqiq 
darajasi haqida to‘liq tasavvur hosil qilishga imkon beradi. Chuqur ilmiy 
tahlillarga boy kurs ishlaridan o‘zbek tili fani bo‘yicha ma’ruza matnlarini, 
amaliy va tajriba mashg‘ulotlari ishlanmalarini tuzishda keng foydalanish 
mumkin bo‘ladi.
 
1.4. “HOZIRGI O‘ZBEK ADABIY TILI” FANIDAN 
YOZILADIGAN KURS ISHINING TUZILISHI 
“Hozirgi o‘zbek adabiy tili” fanidan yoziladigan kurs ishlari quyidagi 
tarkibiy qismlardan tarkib topishi maqsadga muvofiq: 
− kurs ishining titul varag‘i; 
− mundarija; 
− kurs ishining umumiy tavsifi; 
− kirish qism; 
− asosiy qism; 
− umumiy xulosalar; 
− foydalaniladigan adabiyotlar ro‘yxati. 
Kurs ishining birinchi titul varag‘i ishning qayerda, qachon va kim 
tomonidan bajarilganligi, mavzusi, ilmiy rahbari haqida ma’lumot beradi. (1-
ilova) 
Kurs ishining birinchi titul varag‘ida quyidagi ma’lumotlar aks etadi:
1. Oliy o‘quv yurtining nomi. 
2. Fakultet nomi. 
3. Talabaning familiyasi, ismi, otasining ismi. 
4. Kurs ishi mavzusi. 
5. Ilmiy rahbarning familiyasi, ismi, ilmiy darajasi, unvoni. 
6. Kurs ishi yozilgan joy nomi va yili. 
Kurs ishining ikkinchi titul varag‘ida quyidagi ma’lumotlar aks etadi 
(2-ilova):
1. Kurs ishi bajarilgan kafedra nomi. 
2. Ilmiy rahbar familiyasi, ismi, ilmiy darajasi va unvoni. 

---

10 
3. Kurs ishi himoyasi o‘tkazilishi belgilangan yig‘ilish manzili. 
4. Kurs ishi bilan tanishish mumkin bo‘lgan kafedra nomi.
5. Kurs ishi kafedraga topshirilgan sana.
Kurs ishining keyingi varag‘ida mundarija beriladi. Mundarijada kurs 
ishining tarkibiy tuzilishi aks etadi. Mundarija quyidagi tarkibiy qismlardan 
tashkil topadi: 
1. Kurs ishining umumiy tavsifi. 
2. Kirish qism. 
3. Asosiy qism.
4. Umumiy xulosalar. 
5. Foydalanilgan adabiyotlar ro‘yxati. 
6. Ilovalar.