Ўзбекистон Республикаси Қишлоқ ва сув хўжалиги вазирлиги Тошкент ирригация ва мелиорация институти

Съемка участкасининг чегараларидан қатъий назар III синф йўллари II синф полигони чегарасида, IV синф йўллари эса III синф полигони чегарасида лойихаланади.

• Янгидан лойихаланаётган III ва IV синф ва техник нивелир йўллари амалдаги йўлларга туташиши холларида қуйидагиларни хисобга олиш зарур:

• 1.Лойиҳаланаётган ҳар бир йўл учлари олдин қурилган баландлик тармоғини ҳудди шу ёки ундан юқори синф пунктларига уланиши керак.

• 2. Лойиҳаланаётган III ва IV синф нивелир йўлларини олдин қурилган I, II, III ва IV синф йўллари билан боғлаш амалдаги йўллар пунктларидан бирини қўшиб олиш билан амалга оширилади

• 3. Лойиҳаланаётган нивелир йўли ёқалаб жойлашган амалдаги нивелир йўллари реперлари (грунтли ва дворий) лойиха йўлга қўшиб олинади ёки улар 3 км дан узоқда бўлмаса боғлаб борилади.

• III ва IV синф ва техник нивелир йўлларини лойиҳалашда улар трассаси қуйидагиларни эътиборга олиб танланади

• 1.Трассалар имкони борича нишаблиги кичик бўлгач йўналишлар бўйича ўтиши, эни 200 м дан катта жарлик, дарё ва бошқа тўсиқларни кесиб ўтмаслиги керак.

• 2.Трассалар қум, ботқоқлик ва шунга ўхшаш грунти юмшоқ жойлардан ўтмаслиги мақсадга мувофиқ.

• 3.Мақсадга мувофиқ трасса дала йўли, шоссе, темир йўллар ёқалаб ўтган трасса ҳисобланади.

• 4. Шахарлар ҳудудида трассани транспорт қатнови кам кўчалар ёқалаб ўтқазиш маъқул.

• Лойиҳа нивелир йўллари ва реперлар ўрни картада белгилаб чиқилгандан сўнг худудга чиқиб рекогносцировка бажарилади. Рекогносцировкани асосий вазифаси лойиҳаланган нивелир тармоғи йўллари трассасини жой билан таққослаб кўриш, қуриладиган реперлар ўрнини танлаш ва зарурият бўлса лойиҳага ўзгартиришлар киринтишдан иборат. Бунда бирданига нивелир йўллари боғланадиган бошланғич реперлар ўрни хам жойда топилиб ҳолати аниқланиши керак. Олдинги йилларда ўрнатилган реперлар ўрни мавжуд йирик масштабли карталар, тузиган кроки ва таъриф ёзувидан ҳамда махаллий аҳолидан сўровдан фойдаланиб топилади.
• Лойиҳа бўйича янги ўрнатиладиган реперлар ўрни қуйидаги талабларга риоя қилиб танланади: грунтларни мавсумий музлаш зоналарида энг қулай жой кичик дўнглик, грунти қумлоқ ва ер ости сувлари сатхи энг камида 3-4 метр чуқур жой ҳисобланади. Ёғинлар суви йиғиладиган жойлар, карст ходисалари, кўчкилар содир бўладиган жойларда репер ўрнатиш мумкин эмас. Яқин вақт ичида қурулиш олиб борилиши мумкин жойлардан четроқда, қишлоқ ҳўжалиги фаолияти олиб бориладиган ерларда эса автомобил йўли четида, электр узатиш симларининг таянч (столб)лари яқинида репер ўрнатиш мумкин.

•